Yeremi 7:14 - NQAARIIT NE ROOG

¹⁴ Ten taxu, Mbind nene kesaneema too nu ngoolooxin, o mbiñ onqeene ci’uuma a nuun, nuun fo daan nuun, xam fi’in ne fi’uuma a Silo.

Yeremi 7:14 Referans Kwoze

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

Yeremi 7:10

Cinj kaaga, nu ngar mbaambir es, kam Mbind nene kesaneema, ndamtin ee: ‹In wey no woor!› ndax nu maad o mbi’aa cednooxu keene.

A kim a tedu ke 78:60

A xaƴa Ngenand ne ten kam Silo, refna Ƭiif ne ta sip’ina a ndeer no wiin we.

2 Maad we 25:9

A doxa Mbind ne no Yaal oxe fo mbind no maad ne fo pind ke Yeerusaleem fop boo no pind ke no wiin maak we fop.

A cangatin ale 28:52

Xan a mbid teeru ke nuun fop o kurul-keƥ, boo yaa saŋe cegu doole ke nuun nu ngoolooxna kam saax le fop a njiƭtooxna. Xan a ƥiikil a nuun kam teeru ke nuun fop, muu refna no saax le o Yaal oxe Roog nuun a ci’na a nuun.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

A ƭomatax ake 4:1

Xar oo kene? Wurus fee a ñaka meleƈ um, wurus fa nqoolu fee a suptoox! A ƥil ake no mbiñ o tedu nqe a pasarooxa no kooñ ke no ped ke fop!

A ƭomatax ake 2:7

O Yaal oxe a sibda o sadaxand ole ten, a pilid Mbind tedu ne ten. A ɓoxota na xa ƥay no pañ oxe saŋe ke fo pind mosu ke Siyoŋ. Combol a jibta kam Mbind ne no Yaal oxe nen na bes ndoofeen.

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Yeremi 7:12

Ndetyo boog no mbiñ o tedu nqaa jeg’uuma kam Silo, me ngenand es ne a reeƭna yaaga, too nga kaa fi’anuuma yaam a pi a paaxeer ake Isra’el fee xeet es.

Esayi 64:11

O Yaal oxe, ndax kaa o bugko fuudaa yaqe leene rek? Ndax xan o tiimaa tiim taar o marin, soo neewandahin a in boo cay?

2 Caloori ke 7:21

Oxuu reefna paam Mbind neeke laasoogeena, xan a jaaxiɗ, a laamtooxaa yee: ‹Xar taxu o Yaal oxe a fi kene saax lene fo Mbind nene?›

A cangatin ale 12:5

Fat nu mbaɗoortikan soom no mbiñ onqe ta jilkaa na xa piisel axe na carind ake nuun fop, ndax ta gen teen, gon um a ƴufginooreel teen.

Yeremi 23:39

xam waas a nuun pelek, deɓ a nuun maa goƭna mukit es, nuun fa teeru fee coox’uuma a nuun fo daan we nuun.

Heseki’el 23:31

Reefaa o jaf no maag of o tew, too mexe doonaa o feeƭ ole ten no ɓay of.

Yeremi 12:7

O Yaal oxe kaa tee: «Waasaam mbind es, pilid xeet fee jeg’uuma. Ɓoxotaam oxe fex’uuma fex na xa ƥay no fañ um.

Yeremi 26:4

Xan o lay a den boog ee: ‹Keeke o Yaal oxe a layu: Nan-gilooxaamoo, ndax nu ndeef kebil ke cooxuuma a nuun,