Yeremi 7:12 - NQAARIIT NE ROOG

¹² Ndetyo boog no mbiñ o tedu nqaa jeg’uuma kam Silo, me ngenand es ne a reeƭna yaaga, too nga kaa fi’anuuma yaam a pi a paaxeer ake Isra’el fee xeet es.

Yeremi 7:12 Referans Kwoze

Yeremi 26:6

Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »

Yosuwe 18:1

A cinj ye Ii-isra’el we a njaɓna saax le, a mbokatoora Silo den fop, a sip maaga Ƭiif ne o Yaal oxe a xetteel.

1 Sami’el 4:22

A laya yee: «Keene a woora, o ndam onqe a sutooxa a Isra’el, yaam arka ne Roog a jaɓe.»

Haahate we 18:31

A ngeekana a qoox den, no camaane ke o faɗoorand ole a refna kam Silo, nitaal sexe ne Mise a fi’’ina.

1 Sami’el 1:3

O hiid oluu refna koy, Elkana kaa inoortoogu Rama, a ret no saax laa Silo, ndax ta faɗoox o Yaal oxe Hupna fop, a ɓoxotin sadax. Xa ƥiy xa ƭaq axe Eeli, ndefna Hofni fa Finees, saasadax no Yaal oxe a ndeeƭu maaga.

A cangatin ale 12:11

Maaga, no mbiñ onqe o Yaal oxe Roog nuun a jilkaa ndax gon um a ƴufginooreel teen, fat nu ƥisiid fop ke hebluuma a nuun: sadax toxel ke nuun fo sadax camsa’oor ke nuun fo a seek xarɓaxayandeer ake nuun fo ci’it ke nuun fo sadax fa mbadnir a tegit nuun no Yaal oxe.

A cangatin ale 12:5

Fat nu mbaɗoortikan soom no mbiñ onqe ta jilkaa na xa piisel axe na carind ake nuun fop, ndax ta gen teen, gon um a ƴufginooreel teen.

Yosuwe 18:10

Yosuwe a banjangana Ii-isra’el weene a qaaj akeene mbaambir no Yaal oxe kam Silo, soo a carind aluu refna ta cooxin ke refna a las um no saax le.

Yeremi 7:14

Ten taxu, Mbind nene kesaneema too nu ngoolooxin, o mbiñ onqeene ci’uuma a nuun, nuun fo daan nuun, xam fi’in ne fi’uuma a Silo.

1 Maad we 9:7

yaaga nuun Ii-isra’el we, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc. Neene, Isra’el xan a ref naxoor fo calat a ndeer qeet ke fop.