Yeremi 7:10 - NQAARIIT NE ROOG

¹⁰ Cinj kaaga, nu ngar mbaambir es, kam Mbind nene kesaneema, ndamtin ee: ‹In wey no woor!› ndax nu maad o mbi’aa cednooxu keene.

Yeremi 7:10 Referans Kwoze

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

Heseki’el 23:39

Ye da sadaxna xa ƥiy xa koor axe den nitaal pangool ke den, a ndoka no Mbind tedu ne mi no ñaal leng kut ne, ndax da maasandin. Keene o mat a mbi’u kam Mbind ne mi.

Heseki’el 23:37

yaam a njimbooxa no ceeq too fo’oy ley na xa ƥay den. A seeqa fo nitaal pangool ke den. Kaa jolna kaaga sax, xa ƥiy xa koor axe da ndiman’axama, a ndoxana a den pangool keene no bug den, ndax da lisit a den.

Yeremi 34:15

Nuun o mat, kaa nu eet o supit a pesoorooƭ, mbi kaa xotna a ƭat na kid es, ye oxuu refna na nuun a yegnitna a bat ale no kend um. Nu ngiɓoora teen sax fa mi kam Mbind ne kesaneema.

Yeremi 7:30

O Yaal oxe kaa tee: «Wiin we Yudaa a mbi’a kaa faaxeerna na kid es. Kaa ƥek nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 7:14

Ten taxu, Mbind nene kesaneema too nu ngoolooxin, o mbiñ onqeene ci’uuma a nuun, nuun fo daan nuun, xam fi’in ne fi’uuma a Silo.

Yeremi 7:11

Ndax kaa nu mbi Mbind nene kesaneema ngol no guuɗ? Keene ga’um mi fa xoox es. Mi o Yaal oxe layun.

YEGIL MBAAX NE YEESU ne Saŋ a bindtuuna 18:28

A inoorta maa Kayif fa Yeesu, soo a ndet no xeloorand olaa, refna ref me gofornoor fee a genoogna. Mbeet naa a xoola, too den Yaawuur we koy mbad’ee kam faa, yaam a mbañaa soɓe a daawit a den no xeloorand olaa, a yaqan a den da ñaam njaw ne na bes fee na Colandax ale.

YEGIL MBAAX NE YEESU ne Saŋ a bindtuuna 13:18

Refee koy ee nuun fop taxu um layaa, andaam we jiluuma. Kaa koy, kaa a Pind a Tedu ke a mbar o mbadnoox: ‹Oxe fogtooguuma o roon, a falaxam.›

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Heseki’el 23:29

Xan a mbesoor fa wo fo fuux, a njang ke jale of a watna fop, a nqaƴong o ƥor, o yoq ƭuc, a nguyit gaci fee no njaga of. Fo njombe ne wo fo njaga ne wo

Heseki’el 20:39

Nuun mbind Isra’el o mat, keeke o Yaal oxe na refkaa boo faw a layu: Ndetyo, fat oxuu refna a faɗook pangool um! Kaa koy, xan nu nga’in too cinj kaaga xan nu nan-gilooxaam. Neene, nu maasanditkatee gon tedu le mi ci’it ke nuun fo pangool ke nuun.

Esayi 48:2

Nuun we na nqoyooxaa ‹We na teeru fa tedu fee›, nuun we ndamlooxna na Roog fee Isra’el, oxe gon um a refna ‹O Yaal oxe Hupna fop›, nan-gilooxyo boog kene:

2 Caloori ke 33:7

A ɓeka nitaal ne na fangool fee ten ta fi’in’ina kam Mbind Roog ne, me Roog a layit’ina a Dawid fa Salomo fee o ƥeem ee: «No mbind neeke fo kam teeru feeke refna Yeerusaleem fee jilooduuma a ndeer a carind ake Isra’el fop bugum gon es a gen boo kili.

2 Caloori ke 33:4

A maxa xa sadaxand xa andand no Mbind ne no Yaal oxe, me o Yaal oxe a lay’ina yee: «Yeerusaleem gon es a genkaa boo faw.»

2 Maad we 21:4

A maxa xa sadaxand xa andand no Mbind ne no Yaal oxe, me o Yaal oxe a lay’ina yee: «Yeerusaleem gon es a genkaa.»

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

Yeremi 44:9

Ndax kaa nu mbeecit a pi a paaxeer ake no daan nuun, ake no maad we Yudaa fo ake no rew den, ake na nuun fa qoox nuun fo ake no rew nuun mbi’eena no saax le Yudaa fo no ped ke Yeerusaleem?

Heseki’el 33:25

Yaaga koy, layi a den ee: Keeke o Yaal oxe na refkaa boo faw a layu: Kaa nu ñaamaa med, ƭeetaa farna fo nitaal roog cakalaaru ke nuun, ƥaxaa fo’oy, soo koy nu mbug o ndef we njegna saax le!

Dañel 9:18

Roog es, rungi nof of, nan-giloox! Kaam ee weti a kid of too ɗeet njom ne in fo ne teeru fee jegoodoona a gefteena! Refee yee o ngooloox a pi a cofu in taxu i nqeɗooxang, ndaa yirmande fa maak of soom taxun.

Hoose 6:9

A yaj ale no saasadax we kaa nand fo saasaay kaa na ƥeedaa o kiin. Kaa mbaraa wiin we na ƭat ale Sikeem, ta ref tig cednooxu.

Amos 4:5

Ƥoxotyo sadax fa ngidmir, yoonandtin poɗaxnir! Kaam ee nu yegnit sadax ke nu mbi’aa, yaam keene refu ke nu mbugna, nuun we xa taan Isra’el. Mi o Yaal oxe na refkaa boo faw layun.»

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Malaki 3:15

Ndiiki koy, i nga’a yee we magnandooxna ƭaayu, soo soxodu we a neq. A ƭeetlooxangaa a Roog sax oo, a ndaɗ.»

1 Maad we 9:3

O Yaal oxe a laya a Salomo yee: «Jaɓaam a qeƭ of fo a qeƭax ale xeɗooxaxamoona. Kesaam Mbind nene maxoona, too xan gon es a gen teen boo kili, a kid es fo xeeñ es a ndef teen boo faw.

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.