Yeremi 6:8 - NQAARIIT NE ROOG

⁸ Wo Yeerusaleem, jaɓi maƭooxel, ndik um ɗegoor fa wo o kay, suptong a koƥ-a-ƥor, maa o leng a genateerna.»

Yeremi 6:8 Referans Kwoze

Hoose 9:12

A yarangaa xa ƥiy den sax, xam ñaknoor a den weene boo o leng yoqkee. Sabab took den, yaa um waaskaa a den pelek!

Heseki’el 23:18

A weejla njaga um, a hulit cer ƥor um, too a wataxam xus, ne o maag um a watit’axama.

Yeremi 17:23

Kaa koy, daan nuun nan-gilooxee, ndungee nof den, a saƭik a qoox, ndax nan-gilooxkiraam soo a mbañ a cangin es.»

Sofoni 3:7

Kaam layoogu taa kam es ee: ‹Ndiiki koy, Yeerusaleem xan a saɗaraam, a ƭat um a yong na xa soqanqol es. Yaaga ngenand um yaqkaand, too fadinkiim ke hebooxananuuma fop.› Kaa koy, kaa ñof o njimboox na pi a paaxeer a ƥor.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

A kim a tedu ke 50:17

too a soƥa jaɓiro um yarong, soo o deɓ ke um layaa?

Yeremi 31:19

A cinj ye i mbesoonga a cinj, i ndicooxa, a cinj ye i anddilooxna tooñ in, i ndiqooxa no kang. Kaa i sed, seeƈaar yaam ke i mbi’na no ndeƥandoong in.»

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Xa peƭit axe 4:13

Dami a cangin ale, fañ o waas, geekin, yaam ten refu o ñoow of.

A kim a tedu ke 94:12

O Yaal oxe, oxe o yaraa soo aqatintan kebil of a ɗaaya.

A kim a tedu ke 2:10

Ndiiki koy, nuun maad we, njegyo yiif, nuun kelfa ke no lanq ke, njaɓyo lalgandel.

A cangatin ale 32:29

A jeg’angaa yiif, a andkooga keene, a ga ke na dalkan.

A paɗax ale 26:34

Maaga, na xa kiid axe nu laqooxkaa me no fañ we nuun fop, lanq ke nuun nu mbaasna xan a ñar, a rondandtin xa ñar axe mbar’ina o njeg teen, too nu ngayee a den.

Yeremi 7:28

Maaga, fat o lay a den ee: Nuun ndefu xeet fee nan-gilooxeerna o ñuxur no Yaal oxe Roog den, soo a mbañ a maƭax um. Ngor kaa xon faq me nuun, a mo mir na xa ton nuun.»

Xa peƭit axe 19:20

Nan-gilooxi xa as axe, jaɓ fa yar fee, ndax o jeg yiif no ke yoqna no ñoow of.

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.