Yeremi 6:7 - NQAARIIT NE ROOG

⁷ Ne a cur a balnitaa foofi um, neene a balnitaa kañaan um. Combol fo yaq rek na naneel teen, um gen no ga’aa teen cay xa ƭomel fo kaañax.

Yeremi 6:7 Referans Kwoze

Heseki’el 7:23

Xawi ceen yaam saax le kaa may muut fo kate yednu, teeru fee a naag tem fo a ƭom-yedar.

Heseki’el 7:11

Mbariƴ ne oxe naŋ a geenoox, ndax ta ref o loq kañaan. Dara yoqkatee na den, dara no combol den, too ƭomatooxkataand.

Yeremi 20:8

A mbanuu haƥatuuma o don es, waraam o wuuq, yegnit a ƭom-yedar fo ñagadil. Fa lay fee no Yaal oxe na taxaxam o xaadnooxeel soo weneel bes fuu refna.

Esayi 57:20

Kaa koy, soxodu we kaa nand nen o maag o jumbu laa waageerna o riim, too poofi ke ten a njooriidaa tafil ndoƭ kuu ndefna.

Heseki’el 24:7

Fo’oy le ta ɓaxna le maadaa a ndeer um. Kaa ɓaxin took ɓil le naagna faŋ, ɓaxiran took lanq ke, ndax fo ut ole a muurin.

Xa peƭit axe 4:23

Gaynaaki xeeñ of kupu tig lakas kuu refna, yaam no ten a cur ale no ñoow ole a refu.

Esayi 59:6

Ke da ndiwaa jaɓee rokooxel, o hulooxel ne’aand, yaam o njakad rek a oraa. Xa ƥay den njalkee jam muk.

Yeremi 30:12

Keeke o Yaal oxe a layu: «Ngaañax ne wo waagee o wod, too uut le wo a ɗoma lool.

Yeremi 30:13

O leng fartirang, ndax ta laxas uut le wo. Jegee teex mbaax naa waagoonga o wodand.

Yeremi 32:31

Naa teeru fene a maxe boo xaye kaa fuuxnooraxam, a saynooraxam. Bugatinum o doon a ngid

Heseki’el 45:9

Keeke o Yaal oxe na refkaa boo faw a layu: «Nuun gelwaar we Isra’el, tige nuun a ɓeka a sak! Mbaasyo ñagadil ke fo a ƭom-yedar ake, ndeef a ƭat fo o cofel, nqaƴ xeet es fee nu toroxandaa. Mi o Yaal oxe na refkaa boo faw layun.

Esayi 1:6

No ke xotitna no nqol mbangdir ne boo no ƭuf ne, dara teen naagee ceŋ. Fop kaañax ƥor oo fo xa tirig fo a uut a ƥañdooxu kaa o leng a laxadeerna. Laxasaand tig too ƥodaxnitaand diwliin.

Yeremi 8:22

Ndax kaa jegatee teex ƭuumooxel kam Galaad, ndax kaa o baawaadin jegatee teen? Xar taxu boog xeet es waagee o moƴan?

Yeremi 30:15

Xar taxu o ɗomatooxaa yaam ngaañax ne wo fo o ƭomel ole wo waageerna o wod? Tooñ mayu ke wo fo pakaad magnu ke wo taxu um fi’ong keene.

Heseki’el 21:29

Ten taxu keeke o Yaal oxe na refkaa boo faw a layu: Feek nu mbetandta boom le nuun, ngulit tooñ nuun, mbeeñil nañ pakaad nuun kam a pi ake nuun fop, feek nu mbetandooxe, xan nu naangel nuus no ɓay.

Sofoni 3:1

Sabab took teeru fa mbaafañ fa nqoolaƭaru fee, teeru fee naagna gañ fo ñaañagadil!