Yeremi 6:6 - NQAARIIT NE ROOG

⁶ Keeke o Yaal oxe Hupna fop a layu: «Mbuuɓyo taxar ke, maxit a den a uum lanq a songir no saŋe ne Yeerusaleem. Teeru fee wareena o xaw oo, yaam ñagadil ƥor ndefu kam fee.

Yeremi 6:6 Referans Kwoze

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

YEGIL MBAAX NE YEESU ne Lik a bindtuuna 19:43

Xan a jeg a pe akaa andoona yee xan fañ we wo a mbidong o kurul-keƥ, a mbegong, soo a ƥiiklong o saax oo saax.

Esayi 37:33

Ndiiki koy, keeke o Yaal oxe a layu no kaa jofna no maad oxe Asuur: ‹Rokkee na teeru fene. Xaƴkee teen a kas. Songkiran, a saq pegoor, too yoɗankiran a ƈoong.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Yeremi 32:31

Naa teeru fene a maxe boo xaye kaa fuuxnooraxam, a saynooraxam. Bugatinum o doon a ngid

Yeremi 33:4

Yaam keeke layum, mi o Yaal oxe Roog fee Isra’el: Pind ke na teeru fene fo pind no maad ke Yudaa xan a yaqtel a uum lanq a songir fo laƥ.

Heseki’el 4:2

Cinj kaaga, fi’i ta widel o kurul-keƥ, o max a uum lanq a songir paam um, yoɗanin a cuum lanq, sip saŋe paam um, soo geenin me widuuna fop masiin komir kaa na nqoyeel a suk paal.

Heseki’el 5:5

Keeke o Yaal oxe na refkaa boo faw a layu: «Yeerusaleem oo. Kaam doon’un ndeer qeet ke fo a saax ake mbiduuna.

Dañel 11:15

Xan o maad oxe no ɓemb-roog o janoon a gar, a max a uum lanq a songir soo a jaɓ teeru fa njegu saŋe fee. Xiixire we no ɓemb-roog o ñamaak, ke da njegna a yaj no xir say fop oo, mbaagkiran o nqox. Njegkee doole um sax.

Sofoni 3:1

Sabab took teeru fa mbaafañ fa nqoolaƭaru fee, teeru fee naagna gañ fo ñaañagadil!

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 5:29

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 20:8

A mbanuu haƥatuuma o don es, waraam o wuuq, yegnit a ƭom-yedar fo ñagadil. Fa lay fee no Yaal oxe na taxaxam o xaadnooxeel soo weneel bes fuu refna.

Yeremi 39:1

No hiid o ɓetuu nahkandeer ole no maat Sedekiya fee o maad Yudaa, no nqool xarɓaxayandeer onqe, Nebukadnesaar fee o maad oxe Babilon a gara fo xiixire um fop mbaambir Yeerusaleem, a mbidin o kurul-keƥ.