Yeremi 6:5 - NQAARIIT NE ROOG

⁵ Inooxyo, i songkin kam o yeng ole soo yaq pind mosu ke ten.› »

Yeremi 6:5 Referans Kwoze

Yeremi 52:13

A doxa Mbind ne no Yaal oxe fo mbind no maad ne fo pind ke Yeerusaleem boo no pind ke no wiin maak we fop.

Esayi 32:14

Mbind no maad ne xan a fes a pec, teeru fa yo’nooxu fee a waasel. Me o yetooxand ole fo saŋe ne no ñaang le Ofeel a ndefna xan a refat boo faw o ndaatan na xa paam-a-koƥ axe fo o suufand na xa siir axe.

Sakari 11:1

Wo Libaŋ, weti begax ke wo, ndax fiɗel a waag o raaɓ taxar seedar ke wo!

Amos 2:5

Xam fudin fiɗel took Yudaa, ta raaɓ pind no maad ke Yeerusaleem.»

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

A kim a tedu ke 48:3

kaa yoɗooxaa, a mos bo soo a ɗaaynooraa adna fa muum. Siyoŋ refu o joong ole Roog a xetteel, teeru fee no maad o maak oxe.

2 Caloori ke 36:19

A ndaaɓa Mbind Roog ne, a njiƭit saŋe ne Yeerusaleem, a ndaaɓ pind mosu ke soo a yaq tig cegu njiriiñ ke fop.

Abjaas 1:1

Mbeeñil ne Abjaas. Keeke refu ke o Yaal oxe na refkaa boo faw a layna took Edoom. I ndaawa o nan olaa inoorna no Yaal oxe, ta jeg oxaa luliideena ndeer qeet ke yee: «Inooxyo i ndet, songik a Edoom.»

Yeremi 52:7

o gur a sexe no saŋe ne na teeru fee. Xiixire we fop a ƈufa, a sutoox teeru fee no yeng ole, a ndeef na ƭat ale no ndokand ne refna ndeer saŋe ƭik ke paam a ƭing ale no maad oxe, a soƥ Kaakalde we a mbid teeru fee o kurul-keƥ. Ƴuuƴuf we a nqota a ƭat ale jaginna no xuluɓ olaa Yordaan.