Yeremi 6:4 - NQAARIIT NE ROOG

⁴ Owe mbalalooxaa yee: ‹Mbaajyo i nqire’ik fo ten! Inooxyo, i songkin njoloor o mbuc! Kaa koy, sabab took in, yaam ñaal ne xe faafataa, yook kirand ke a liitooxaa.

Yeremi 6:4 Referans Kwoze

Yeremi 15:8

Fi’aam boo ñaaw we den a ngup o may pep ke no lanq ke no maag ole. Njoloor o mbuc hebliidaam o yaayaq took ya ke no mbes ke, joor took den ndak fo ndak o njaaxɗataand fo diid.

Sofoni 2:4

Xan teeru fee Gaasa a waasel pelek, Askalon a refat o mbiñ o mbootu, we ngenna Asdod a ndaxel njoloor o mbuc, we Ekron a sutel teeru den.

Yeremi 8:20

A saxad ale a faafa, ndiig ne a sutoox, too in, i mbataand.

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

A kim ale na kim ake 2:17

Boo yilmaan le a helko fo yenaa, soo yook ke yee mes, gatiidi, wo xe buguuma bug, ñofi gat took xa coong axe suleena qeeñe-xeeñe, nen mbat mbaat njaf ndeɓ.

Yeremi 6:23

Kaa pokoox a qali fo a salma. Kaa ƈaxooxaa soo a ñak yirmande. Fangax le den kaa dititaa nen le no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Siyoŋ fa mosaan fee.»

Yeremi 15:9

Yaay fee rim’ina xa ƥiy xa koor ɓetaa ƭaq a ŋeesooxa, a ososaa. Njeeƈ um a muda njoloor. A seda ɓot soo a seeƈaar. We yoqna na xeet fee koy, xam ɓoxot a den da saŋkitel laƥ na kid no fañ den.» O Yaal oxe layun.

Abjaas 1:1

Mbeeñil ne Abjaas. Keeke refu ke o Yaal oxe na refkaa boo faw a layna took Edoom. I ndaawa o nan olaa inoorna no Yaal oxe, ta jeg oxaa luliideena ndeer qeet ke yee: «Inooxyo i ndet, songik a Edoom.»

Ke bindeena no xe ne’eena YOB 7:2

Kaa nand nen o paɗ oxaa na talaa yook, nen o saadlaand oxaa na cungaa ndabid um.

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.