Yeremi 6:26 - NQAARIIT NE ROOG

²⁶ O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Yeremi 6:26 Referans Kwoze

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

Yeremi 4:8

Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

Saak 5:1

Nuun yaal kalal ke, nan-gilooxyo fa lay es. Nu mbara o lool, too iin, yaam taamaala ke na ndaawkaa a nuun.

Saak 4:9

Naqadilooxyo yaam pakaad nuun. Ñaawooxyo too lool. Ba nu njalat ndaa loolyo. Ba nu mbelakinooxat ndaa naqadilooxyo.

YEGIL MBAAX NE YEESU ne Lik a bindtuuna 7:12

Yaa Yeesu a faambnooxiidna saate faa, a ga’a waa saqna o dal, a ƥisan no poy kaa. O ƥiy o leng no tew oxaa ñaawooxoogna a reeƭu, too wiin mayu waa ngenna na saate faa a ndeeƭa fo ten maaga.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.

A ƭomatax ake 4:10

Ke yaay ke a njegna o liir fop oo, a mbaƴna xa ƥiy den, da ndefat ñaamel den, ye fo njakad onqe na xeet es.

A ƭomatax ake 4:6

Tooñ ne na xeet es moƴu magin ne Sodoom, gef’eena ndeer ñaf fo ƭeet, too o ɓay no leng niinee teen.

A ƭomatax ake 4:3

Xa ƥox-a-koƥ axe sax kaa cooxtaa fo ɗeen, a numnaa xa ƥiy den, ndaa rew we na xeet es o mat kaa soxodat boo a ƈaxooxaa na xa ƥiy den, nen a ba ake na koƥ-a-ƥor ale.

A ƭomatax ake 3:48

A kid es kaa nqaarnaa a ƈufnand xa kooniit yaam o njakad onqe dalna xeet es, o ndoog onqe.

A ƭomatax ake 2:11

A kid es kaa nqooɗat yaam xa lool, laaw ke mi a mbaƴaa kam es, o soylaar es a ɓaxooxaa a lanq, yaam o njakad onqe dalna xeet es, fo xa caaƈ axe fo bax ke na patooxaa no ped ke na teeru fee.

A ƭomatax ake 1:16

Ten taxu um loolaa, a kid es a nqaaraa fo xa kooniit. Oxe war’axama o yaal kaa goƭaam, ten oxe nomtiidkoogaxama no ñoow ole. Xa ƥiy axe mi a njaqa lool, yaam o pañ oxe hupu a den doole.»

A ƭomatax ake 1:2

Kaa loolaa o yeng ole fop, xa ƭek um a nqaaraa fo xa kooniit. No we mbex’uuna fop, jegee oxaa yaaluuna, qaariit ke ten fop a ngodaan, a ndefat fañ um.

Yeremi 15:8

Fi’aam boo ñaaw we den a ngup o may pep ke no lanq ke no maag ole. Njoloor o mbuc hebliidaam o yaayaq took ya ke no mbes ke, joor took den ndak fo ndak o njaaxɗataand fo diid.

Yeremi 14:17

Wo Yeremi fat o lay a den kene: A kid es kaa ngen no nqaaraa fo xa kooniit ñaal fo o yeng, yaam o njakad o maak onqe dalna o njaaƈ o ndoog onqe refna xeet es, ngaañax naa ɗomna tigi.

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

Yeremi 12:12

Yaayaq a mbadiida took xa coong axe fop naangna halit kam a koƥ-a-ƥor ale. Laƥ ne mi xe saŋkaa saax le, a xotit no cat boo no cat, too waasee o leng.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 8:21

O njakad onqe dalna xeet es kaa gefɗandaam, um yogorloox, naqad a damaam.

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Yeremi 6:14

Kaa mbaadnitaa kaañax ke na xeet es caaxaan, a layaa yee: ‹Jam a jega, fop a ñaaƴa›, too yaaga fop oo jam jegee.

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

Yeremi 4:11

Na jamaane faaga, xeet fene fa Yeerusaleem xan a layel ee: «Nqeñ sumu jip ne xe hatiidaa na xa coong axe naangna halit kam a koƥ-a-ƥor alaa, a jagin farna fa xeet es. Refee koy nqeñ naa na feesteel bele.

Esayi 32:11

Njaaxiɗyo boog, nuun we yaadooxna. Sendyo yaam diid, nuun we yegeerna dara. Mbolooxyo boo yoq duŋ soo nderoox o saaku.

Esayi 30:13

tooñ neene xan a ref na nuun nen o quuy o feeñu no saŋe njiig. Oxaa joyaa rek, ee junjang ndak fo ndak.

Esayi 22:12

A koom, o Yaal oxe na refkaa boo faw Hupna fop kaa sim’u a nuun nu lool, ƭomatoox, nduusoox soo nderoox xa saaku,

Esayi 22:4

Ten taxu um lay ee: «Mbaasaamoo pelek, nqaƴaamoo um lool boo torox. Ba nu njeemaam o yaal no njakad onqe na dalkaa o njaaƈ o ndoog onqe refna xeet es.»

Mberaand 21:16

soo a ret, a moof koƭu a jasnoor fo ten ee yaam waagee muk o ɗeetaa o goor ole ta xonaa. A moofa boog, a jasnoor fo ten soo a ref no loolaa.

Ke bindeena no xe ne’eena YOB 2:8

Yob a moofa no ndaw, a gis o faambaar olaa ta ñaxañooraa.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Yeremi 18:22

Yaasam xa paɗax a njibit no pind ke den, yaa o hebliidkaa took den ndak fo ndak saasaay. Yaam a mbaqanaxam gamb, ndax da naangaam nuus, a ƭaapanaam mbog na caf es.

A ƭomatax ake 3:16

A ƴaxnooraxam a kac boo a ñiiñ es a ngaakoox, a ɗuuɗaam kam ndaw ke.

Yoona 3:6

Yaa o maad oxaa Niniif a nanna ke xew’ina, a inooxa no uum-maamaad le ten, a wol lori um, a deroox o saaku, a moof no ndaw, ndax ta lalit ee a ricooxa.

Ke bindeena no xe ne’eena YOB 15:21

Fangax laa na diidlandaa kaa nannooxaa no nof um, o yaayaq oxe a waaslooxanan, yaa ta refna na jam.

Esayi 3:24

Qeeñe-xeeñe pelu ke xan a nqooñataa potu, o qap a refat o ƥaak, maar mosu ke a nduusel a ƥula, ñirax mosu ke a ndefat toki ñaawoor, soo o mosel a refat gaci.

Yeremi 30:5

Kaa tee: «Xa buuq o njom’andaand axey naneel, diid oo, refee jam.