Yeremi 6:23 - NQAARIIT NE ROOG

²³ Kaa pokoox a qali fo a salma. Kaa ƈaxooxaa soo a ñak yirmande. Fangax le den kaa dititaa nen le no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Siyoŋ fa mosaan fee.»

Yeremi 6:23 Referans Kwoze

Esayi 13:18

A qali ke den xan a luƈit mbes ke. Mbuuskee xa qeq axe too yirimkee xa caaƈ axe.»

Yeremi 50:42

Kaa pokoox a qali fo a salma, a ƈaxooxaa soo a ñak yirmande. Fangax le den kaa dititaa nen no maag ole. Kaa ŋaay pis, a nqodan a ñoq ale, a ndef leng, too wo a inooxanu, wo Babilon.

Yeremi 30:14

Fop we mbesanoogoonga a mbeecaang, mbaaƭatirang muk, yaam xawtaaxoong nen o pañ, fadong ƭomu yaam tooñ mayu ke wo fo pakaad magnu ke wo.

Yeremi 5:16

A tungaar ake den kaa nandtaa a mboy a betooxu, too den fop a salma-koor a ndefu.

Yeremi 4:29

Teeru fee fop a ngoda o joor no fangax le no ŋaaŋaay pis we fo xaaxaƴ a qali we. Xa kus axe we njaɓnooxeel, a ƥil ake a ñayooxeel. Teeru fee fop a waase, too o leng genatee teen.

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

Esayi 19:4

Xam ɓoxot a Misira na xa ƥay no yaal o ƭomu tig. O maad oxaa na ƴaxooxaa xan a maadoox took um.» Keene o Yaal oxe na refkaa boo faw Hupna fop a layu.

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

Esayi 10:32

No ñaal leng kut naaga, xan o pañ oxe a geenoox Noob, a ɗaayan o joong ole Siyoŋ o ndoog onqe o kurpeeñ. Kaam ee xan a ɗaayanin ƴoong le Yeerusaleem.

Esayi 17:12

Ey! Fangax le na saax a cegee hap ake na jibtaa nen fangax le na xa maag axe. Ŋurŋur le no qeet ke na nandtaa ŋurŋur le na yag-ee-yag a cegu doole ke.

Yeremi 6:4

Owe mbalalooxaa yee: ‹Mbaajyo i nqire’ik fo ten! Inooxyo, i songkin njoloor o mbuc! Kaa koy, sabab took in, yaam ñaal ne xe faafataa, yook kirand ke a liitooxaa.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Heseki’el 21:31

Keeke o Yaal oxe na refkaa boo faw a layu: Tañalax ne xan a watnel, o ndip onqe a wolel. Fop xan a suptoox. Ke neewandeena xan a yoɗel soo ke yoɗeena a neewandel.

Yeremi 4:16

Mbetandyo kene qeet ke, andnoorin a Yeerusaleem: Soosong owe inoortiidaa no saax goƭu, a njibnaa xa buuq xire took teeru ke Yudaa.

Yeremi 8:16

Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Yeremi 25:32

Keeke o Yaal oxe Hupna fop a layu: «Taamaala xan a xotit na xeet boo na xeet, a und a maak a ɗisit no cat ke no lanq ke.»

Yeremi 50:41

Xeet fey a inoortiidaa no ɓemb-roog o janoon, saax maak fo maad mayu a ƭistiidaa no cat adna.