Yeremi 6:21 - NQAARIIT NE ROOG

²¹ Ten taxu, mi o Yaal oxe, xam doon mbaambir xeet fene a panq. Xan a mbaɓoox teen soo a saŋkoox den fop, paap ke fo xa ƥiy xa koor den, gentand den fo qaariit den.»

Yeremi 6:21 Referans Kwoze

Esayi 8:14

Xan a ref ngenand tedu, ndaa xan a ref itam ɓil laa na tolofnooraa fo ɓil maak laa na fanqaa maat ƭik ke Isra’el, a ref mbaal fo mbog no we ngenna Yeerusaleem.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

O leetar ole Pool a bindna GIMU WE NGENNA ROM 11:9

Dawid itam a lay’a yee: «Yaasam o rox den a ref mbog naa na damaa a den, ndax da yen, boo a qaw ale a dal took den.

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

Heseki’el 5:10

Ten taxu xan paap ke a ñaamaa xa ƥiy den a ndeer of, soo xa ƥiy axe a ñaamaa paap den. Xam dalin hate es took of soo pasar no nqeñ ne we na yoqkaa na wo.

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

Yeremi 18:21

Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.

2 Caloori ke 36:17

Maaga, o Yaal oxe a inaniida a den o maad oxe no Kaakalde we, ta gar a warit mbes ke laƥ kam mbind tedu ne. O Yaal oxe yirim’ee o fes mbaat o toog mbaat o maak mbaat oxaa fuumna, ndaa a ɓoxota fop na xa ƥay um.

A paɗax ale 26:37

Xan nu mbaɓraa a ndeer nuun nen waa o pañ den a raxaa, too yaaga fop oo, o leng raxee a nuun. Nu mbaagkee o nqox fañ nuun.

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Yeremi 18:23

Wo o Yaal oxe koy, andaa kukir ke den fop, ndax da mbarnooraam. Ba o waasan a den tooñ den too ba o forit bakaad den mbaambir of. Yaasam da maafel na kid of! Ɓeki a den o ɓay yaa fo fuux of!»

Esayi 8:15

Xan wiin mayu a tolofit teen, a yen soo a mbeñexu. Xan a yen no mbog ne, too xan a ndamel.