Yeremi 6:19 - NQAARIIT NE ROOG

¹⁹ Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Yeremi 6:19 Referans Kwoze

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

A pi ake 8:22

Ricooxi paaxeer of keene, too xeɗ o Yaal oxe, ta waasanong o nqalaat of onqeene, a waagooxangaa,

Yeremi 17:10

Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Yeremi 8:9

Yaal-o-and we a seda ɓot, a ndiid soo a naagel jac a ndamel. Kaa nqeef fa lay fee no Yaal oxe, xar o and den a jiriñu boog?»

YEGIL MBAAX NE YEESU ne Saŋ a bindtuuna 12:48

Oxuu jaɓeeraxama, gimee fa lay es, a jega o kaahate. Fa lay fee yegnituuma na hate’kaa na bes fa mbalakaand faa,

Mise 6:2

Nuun xa coong axe fo a per a saƭku ke no lanq ke, nan-gilooxyo layoor ne no Yaal oxe! O Yaal oxe kaa layooriidaa fa xeet um, a xelooriidaa fa Isra’el.

Hoose 10:13

Kaa koy, paaxeer nu nqooxu, saxad njofaƭar, too nu ñaama o rim ole na xa maaƥ axe.» «Kaa nu ngooloox a ƭat nuun fo a salma-koor a mayaan ake nuun.

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Yeremi 22:29

Saax le, saax le, saax le! Nan-gilooxyo fa lay fee no Yaal oxe.

Yeremi 6:10

An um layitkaa? Ndi an um raagooxkaa, ndax um nan-gilooxel? Nof ke den kaa sux, mbaagee o nan-giloox muk. Fa lay fee no Yaal oxe kaa ref na den calat, mbugiran.

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Esayi 66:18

ten oxe andna a pi den fo a qalaat den. O Yaal oxe kaa tee: «Mexey garaa fokatiid wiin inooru na xeet fuu refna fo na lak fuu refna, ndax da mbuudaa o ndam es.

Esayi 59:7

O fi paaxeer doŋ a ƈufanaa, a ñofandooxanaa o mbar o cofu xe. Yuuɓee dara a refangeerna o mbi lakas we paaxeer. Muu da ndeefna, a mbaas maaga yaqe fo boom.

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

Xa peƭit axe 15:26

O Yaal oxe kaa sib a qalaat a paaxeer ake, fa lay fa mbaax o mat a felin.

1 Sami’el 15:26

Sami’el a doona a Sawul ee: «Yoonkiim fa wo, yaam kaa o deɓ fa lay fee no Yaal oxe, too ten itam a deɓaang, ndax maadooxankatiro xeet fee Isra’el.»

1 Sami’el 15:23

Kaam ee nanaƭar ne kaa faaxaƭarit nen bakaad ƭeet, njaɓaƭar a ref nen a cuur pangool refna naanaxir ƥor. Neene, yaam ne deɓoona fa lay fee no Yaal oxe, ten itam a deɓaang, ndax maadooxankatiro xeet um.»

A cangatin ale 32:1

«Asamaan, rungi nof of no ke um layaa, lanq ke, nan-gilooxyo fa lay fee na sutooraa no don es.

A cangatin ale 30:19

Xaye mexe xotaa asamaan fo lanq, da ndef seede ndeer es fa nuun ee doonaam mbaambir nuun o ñoow ole fo fa nqon fee, barke fo a salax. Njilyo o ñoow ole, ndax nu ñoow, nuun fo xa taan nuun.

A cangatin ale 4:26

Boo nu mbi’na bakaad feene, mexe maƭooxaa a nuun xaye, too asamaan fo lanq ndefu seede ke, yee nu ñakkee o sooƴ no saax le nu njegkaa no mudand ne Yordaan. Nu miñkee teen dara, too xan nu moocandel boo nqet.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

Yeremi 6:18

Ten taxu, nuun qeet ke, nan-gilooxyo, andyo a paax ke na dalkaa a den!

Yeremi 11:11

Ten taxu keeke o Yaal oxe a layu: «Mexey ɓisiidaa took den taamaala faa da mbaagkeerna o ndaɗ. Xan a ƈufginooxaam, ndaa nan-gilooxkiim a den.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 19:3

Xan o lay ee: Nuun maad we Yudaa fo we ngenna Yeerusaleem, nan-gilooxyo fa lay fee no Yaal oxe! Keeke o Yaal oxe Roog fee Isra’el Hupna fop a layu: Xam atiid no mbiñ onqene taamaala faa na foɗaxinkaa nof no we na nankan.

Yeremi 29:19

yaam nan-gilooxee fa lay es, den we um lultiidaa roog fuu feedna duleer we dag es. Nuun o mat oo, nu nan-gilooxee a den. Mi o Yaal oxe layun.›

Yeremi 49:37

Xam sendnoor Ee-elam we mbaambir fañ den fo mbaambir no we mbugna njang o ñis den. Xam ɓisiid took den taamaala, fuux ɗomu le mi. Mi o Yaal oxe layun. Xam hebil laƥ ne ta daab a den, boo yaa saŋkuuma a den.

Amos 2:4

Keeke o Yaal oxe a layu: «Felaam o jaf no Yuuyudaa we a caf a tadak boo na nahak sax, ta dak no paaxeer. Kaa sib kebil ke no Yaal oxe, a mbañ o ndeef ke ta dalinna, soo a ndeefaa ke daan den a mbaɗooxoogna, a softin a Roog, tefee ndigil keene da njuurooxoogna. Ten taxu o ɓay es ole yoɗooxna waagee ñak o dal:

Mise 1:2

Nuun qeet ke fop, nan-gilooxyo! Lanq ke fo ke refna teen, ndungyo nof nuun! O Yaal oxe na refkaa boo faw xan a layoor fa nuun, a inoortiid no Mbind tedu ne ten.

Esayi 5:24

Ten taxu ne aal fiɗel a raaɓtaa sañ mbeeru fo ne boob laa jooreena no ƈulfaan a sooytaa, neene a paƴ den a mbotitkaa, soo piɗ den a pasaroor nen fo ut, yaam kaa da mbañ a cangin ale no Yaal oxe Hupna fop soo a nqeef fa lay fee no Tedu xe Isra’el.

Yeremi 4:16

Mbetandyo kene qeet ke, andnoorin a Yeerusaleem: Soosong owe inoortiidaa no saax goƭu, a njibnaa xa buuq xire took teeru ke Yudaa.

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 21:14

Xam xaw a nuun, reefandin no ke a pi nuun a njagitna. Xam heƥand fiɗel kam suungaan a toodook qool ake nuun, ta raaɓ ke widna a nuun fop. Mi o yaal oxe layun.»

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.