Yeremi 6:18 - NQAARIIT NE ROOG

¹⁸ Ten taxu, nuun qeet ke, nan-gilooxyo, andyo a paax ke na dalkaa a den!

Yeremi 6:18 Referans Kwoze

Mise 6:5

Nuun xeet es, mbetandooxyo ke Balak fee o maad Mowaab a yuuɓan’ina a nuun fo ke Balam fee o ƥiy Bewoor a doon’uuna. Mbetandooxyo ke fi’anuuma a nuun xotitna Sitiim boo Gilgal, ndax nu andid a pi ake muclituuma a nuun, mi o Yaal oxe.»

Yeremi 31:10

Nuun qeet ke, nan-gilooxyo fa lay fee no Yaal oxe, lambnin na pimb a koƭu ke! Layyo yee: «Oxe pasarna a Isra’el xan a fokatin, a gayin ne o kaynaak a gaytaa o siir um.»

Yeremi 4:10

Maaga, xam lay ee: «Cey, o Yaal oxe na refkaa boo faw, naxaa xeet fene fa Yeerusaleem, ye layoona yee: ‹Xan nu njeg jam!› A soƥa fop koy, laƥ ne xe fandaa a in!»

Esayi 5:3

E ndiiki koy, nuun we ngenna Yeerusaleem fo nuun wiin we Yudaa, nuun na ngate’kaa a ndeer es fo a ƭing ale mi!

Yeremi 6:17

Dalnanaam a nuun yeeyetax waa maƭooxna a nuun ee: ‹Nan-gilooxyo fangax le na luuƥ ale.› Kaa koy, nu ndoona yee: ‹A ƭat in yongee teen.›

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Yeremi 4:16

Mbetandyo kene qeet ke, andnoorin a Yeerusaleem: Soosong owe inoortiidaa no saax goƭu, a njibnaa xa buuq xire took teeru ke Yudaa.