Yeremi 6:16 - NQAARIIT NE ROOG

¹⁶ Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Yeremi 6:16 Referans Kwoze

Esayi 30:21

Nof of xan a nanit fa lay feeke a cinj of: ‹A ƭat ale ley, ñaaƴyo teen›, ta ref yaa o ɗapaa na ñamaak mbaat na janoon.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

A cangatin ale 32:7

Mbetandooxyo a pe ake yaaga, ƭeetatin xa kiid axe no suk ke mbaafna. Laamteenoo paap nuun, too xan a andnoorin a nuun, laamtin nogoy we nuun, too xan a layin a nuun.

Yeremi 7:23

Kaa kañ keeke heblum a den: Nan-gilooxyo o ñuxur es, too xam ref Roog nuun, nu ndef xeet es. Ñaaƴyo na ƭat ake simuuma a nuun fop, ndax nu ƭaay.

Kolos 2:6

Neene boog, ne nu njaɓna a Kiristaa Yeesu nen o Yaal nuun, ñoowyo fo ten.

Esayi 2:5

Nuun we xa taan Yakoob, ngaryo i ñaaƴ na qoolaand ale no Yaal oxe.

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

Yeremi 18:12

Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

Hebre 11:2

Roog a jaɓ’a daan waa yaam o ngim den.

YEGIL MBAAX NE YEESU ne Saŋ a bindtuuna 13:17

Nu andangaa keene, soo mbi’an koy, nu ƭaaya!

Hebre 6:12

I mbugee nu tayil, ndaa fat nu laalaa we ngimna na Roog, too a muñ, yaam kaa ndaawaa ke Roog a regitna.

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

YEGIL MBAAX NE YEESU ne Lik a bindtuuna 16:29

Abraham a doonaan ee: ‹A njega a safe ke Moyiis fo ke duleer we a mbindna. Fat a nan-giloox ke da layaa.›

Esayi 28:12

Yaag oo toox de, a lay’a a den ee: «A ñootnax ale xey, nqaƴyo oxe xijna ta ñootnoox! O ɓutnooxand ole xey!» Kaa koy, mbug’ee o nan-giloox.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

A pi ake 17:11

Yaawuur waaga moƴ’u o ngore we Tesalonik, yaam a njaɓa fa lay fee Roog fo o ɗaay. Bes fuu refna kaa ƥaaloogu a Pind a Tedu ke, yaam a mbug o nga ndax ke Pool a layoogna teen ndigil oo.

O leetar ole Pool a bindna GIMU WE NGENNA ROM 4:12

Abraham refu itam o taan no xucooxu we ndayeerna no nquc soom, ndaa a ñaaƴaa na ƭooqlaand ale no ngim onqe o taan in Abraham a jeg’ina yaaga xucooxafulee.

Yeremi 2:25

Wo Isra’el, wootooxi ndik o ñaaƴ a caf a ƥor, wootoox a peep of a weer kaŋ! Kaa koy, kaa o doon ee: ‹Ha’aa, waasaam! Fexaam roog can ke too faw um reef a den.›

1 Maad we 8:36

nan-giloorti a den na asamaan, waasanit pakaad no dag of ndefna ndef Isra’el fee xeet of. Aqatini a den a ƭat a paax ale da mbarna o ndeef soo deɓiid no lanq ke ci’oona xeet of nen lam.

A kim a tedu ke 116:7

O laaw es, dalatini, yaam o Yaal oxe a fi’anaang paax.

Yeremi 12:16

Maaga, a aqatooxangaa a ƭat ake na xeet es, a ndaaɓoorit gon es ee: ‹Ne ta wooritna yee o Yaal oxe xe ñoowaa›, ne da njangnitna xeet es da ndaaɓooraa a Baal, xan a ndalnel a ndeer xeet es.

Yeremi 31:21

Sipi xa anddiloor axe wo, lup a teex ake wo, ndax o and me o jofaa. Ɗeeti a paax a ƭat ale, na qal ale o ñaaƴaa. Nomtooxiidi, wo Isra’el o njaaƈ o ndoog o andee adna nqe, nomtooxiidi no teeru kene jegoona.

Yeremi 42:3

Fat o Yaal oxe Roog of a lal a in me i mbarna o nqot fo ke i mbarna o mbi.»

Yeremi 50:5

Xan a laamtaa a ƭat ale jofna Siyoŋ, a ngeleer a kid den farna fo maaga: ‹Ngaryo, i ndamoox no Yaal oxe no ngiɓoor naa na refkaa boo faw, too i mbeeckiran muk.›

Haahate we 2:17

Kaa koy, Ii-isra’el we nan-gilooxee sax haahate we den, yaam a ngore’aƭar no Yaal oxe, a ngungaa mbaambir roog lakas. A ƭapa no ñofu a ƭat ale daan we den a ndeefoogna, too nananee kebil ke no Yaal oxe nen a den.

2 Caloori ke 19:11

Amariya fee o saasadax o maak oxe xan a yetooxaa a nuun no kuu farna no Yaal oxe, Sebadiya fee kelfa’na maat ne too a ref o ƥiy Isma’el a topatooxaa kuu farna no maad oxe. Leelewi we mat xan a mbadnaa o far den na ñaaƈnooƭ ale no saax le. Njalyo boog fo njambaar ndeyu sik! Yaasam o Yaal oxe a ref fo we na mbi’aa paax.»

Esayi 46:9

Mbetandooxyo cosaan fee nuun no miñu kaa. Mi refu Roog, jegee fa lakas. Mi refu Roog, too jegee faa nandna fa mi.

Esayi 57:2

Xan a ndok na jam fee. Ii, we na ndeefaa a ƭat a cofu le xan a ñootnoox fo o yaadax.

Yeremi 7:3

Keeke o Yaal oxe Roog fee Isra’el Hupna fop a layu: Ñaaƴityo too mbi ne warna, yaaga xam xaƴ a nuun nu ngen no saax lene.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.