Yeremi 6:13 - NQAARIIT NE ROOG

¹³ Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 6:13 Referans Kwoze

Yeremi 23:11

O Yaal oxe kaa tee: «Duleer we fo saasadax we sax kaa laawoox. Kam Mbind es sax soƥaam teen kañaan den.

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

Yeremi 14:18

Um sutooxangaa na koƥ alaa, waa yenitna na xire doŋ um ga’aa, um rokiid kam teeru fee, ga’aa waa na nqonaa fo nqeex. O tuleer oxe fo o saasadax oxe sax owe mbidaa kam saax le, ndaa andee xar a ngelu o mbi.»

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Esayi 57:17

Fuuxan’aam a Isra’el yaam tooñ ke ten fo a yuxum um. Xawaanum kam fuux es, ɗasnin mukit es, ndaa ta maad no ngore’aƭar rek, a reefan a yuxum xeeñ um.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

YEGIL MBAAX NE YEESU ne Lik a bindtuuna 16:14

Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

A ƭomatax ake 4:13

Keene fop o ngar fo pakaad ke no duleer we fo tooñ ke no saasadax we yoo, den we ƥax’ina kam teeru fee fo’oy le no jofu we.

Yeremi 32:32

yaam paaxeer ke Ii-isra’el we fo Yuuyudaa we a mbi’na fop, ndax da paang kam es, den fo maad den, kelfa den, saasadax den, duleer den, goor we Yudaa fo we ngenna Yeerusaleem.

Yeremi 2:26

Ne o kuuɗ oxaa beteena a sedtaa, neene we na xeet fee Isra’el a seditkaa, den fo maad den, kelfa den, saasadax den fo duleer den.

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Esayi 28:7

Den wene itam kaa njayang-njayangnaa yaam biiñ, soo a yer a qaaɗu xut ake a ngulmandaa a den: Saasadax we fo duleer Roog we kaa tifil-tifilnaa yaam a yer a qaaɗu ke, a njaxasoox yaam biiñ fee. A yer a qaaɗu ke kaa ngulmandaa a den, da tiipaa, yaa da njo’tanaa a Roog soo a layaa xa ƥaral, yaa da ngate’aa.

2 Piyeer 2:1

No camaane ke mbaafna, a jeg’a duleer maamaaɓ a ndeer xeet fee. Neene itam, xan a jeg a ndeer nuun jaajangin maamaaɓ waa na ƥisiidkaa a cangin a paaxeer akaa na yaqkaa o ñoow ole no wiin we, a nqañaa o Yaal oxe mucilna a den no pakaad den. Yaam ke da mbi’aa fop, a qaw a maak xan a gar took den, a saŋik a den no miñeer.

Yeremi 2:29

Xar taxu nu nqasraa fa mi? Nuun fop, nu siiknoora fa mi. Mi o Yaal oxe layun.

Yeremi 17:11

Nen a ceɓel alaa ɓopna ke ta ɓoofeerna neene oxe na fokatanooxaa halal fa leweer a nandu. Ndeer ee ndeer xa yeng um, xan a ñak o jeg um soo na muj um ta refat yoqit.»

Yeremi 27:15

O Yaal oxe kaa tee: ‹Luliim a den, too kaa yegnitaa xa maaƥ no gon es, ndax um rax a nuun soo nu saŋkoox, nuun fo duleer we na yegnaa a nuun padafuleer.› »

Yeremi 42:1

Aa-adax we no xiixire we fop, moƴtaa sax Yohanan fee o ƥiy Kare’a fa Asariya fee o ƥiy Hosaya, fo wiin we ndeeƭna maaga fop, a xotit no xe moƴna o neew boo no xe moƴna o maak, a ngara

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.