Yeremi 6:11 - NQAARIIT NE ROOG

¹¹ Kaam may muut fo fuux le no Yaal oxe, hatlatinum muk. O Yaal oxe a laya yee: «Ɓaxi fuux le mi boog took xa caaƈ xa tutuuñ axe no ped ke fo took teɓandoong ke fop. Goor fo rew, nogoy fo we ñaamna jamaane den, den fop xan a ƥisel.

Yeremi 6:11 Referans Kwoze

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

Mbeeñil 16:1

Cinj kaaga, nanaam o ñuxur o maak olaa inoorna no Mbind Roog ne, a lay malaaka ɓetuu ƭik ke yee: «Ndetyo ƥax took lanq ke fo mbeeƭ ɓetuu ƭik ne yipna fuux le Roog!»

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.

A pi ake 17:16

Ye Pool a cungaa a Timote fa Silaas Aten, xeeñ um a feƭar’a lool, yaam ne ta ga’’ina teeru faa a may fo nitaal kaa da mbi’na Roog.

A pi ake 4:20

Yaam in o mat, i mbaagee o ñak o layit ke i nga’na fo ke i nanna.»

YEGIL MBAAX NE YEESU ne Lik a bindtuuna 17:34

Mexe layaa a nuun ee: No yeng olaaga wiin ɗik we ta soƥkaa no njong, xan o leng oxe a jangel, o lakas oxe a xaƴel.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Yeremi 18:21

Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Esayi 40:30

Mbes ke kaa nqijaa, a ñakaa doole, xir say we sax kaa tolofaa leek-leek,

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 15:17

Moofiim muk a ndeer no we na mbumbaayaa, ndax um ŋas. O ɓay o mayu katil ole wo a seraxam um moof sang es, yaam kaa o mayƭand’aam fo fuux.

A ƭomatax ake 1:15

O Yaal oxe a deɓa xir say we mi fop ndeeƭna a ndeer es. A fokatanaxam a yaj no xiixire, ndax ta saŋik mbes ke mi. Ne xa biiñ a nduutteel no nirir, neene o Yaal oxe a duguñtaxam, mi Yeerusaleem fee o ƥiy o ndew Yudaa.

A ƭomatax ake 2:21

Xa caaƈ axe fo nogoy we we luuñaa a lanq no ped ke. Laƥ ne a luƈta fo njaaƈ fo ndoog ne mi fo mbes ke mi. A koom ale fo fuux le wo, waraa, xiris too yirmiro dara.

Heseki’el 3:3

A layaxam ee: «Wo fee o ƥiy no kiin, mayƭandti o fud of soo ñoowdandit cer of o laxas a pind oleene cooxoonga!» Ñaamaanum too a safa nen suum no don es.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 9:20

«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»