Yeremi 6:10 - NQAARIIT NE ROOG

¹⁰ An um layitkaa? Ndi an um raagooxkaa, ndax um nan-gilooxel? Nof ke den kaa sux, mbaagee o nan-giloox muk. Fa lay fee no Yaal oxe kaa ref na den calat, mbugiran.

Yeremi 6:10 Referans Kwoze

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

YEGIL MBAAX NE YEESU ne Saŋ a bindtuuna 7:7

Adna fee mbaagee o sib a nuun. Mi koy, mbaagiraam o ñak o sib, yaam kaam seede’anaa a den a qool qac ee ke da mbi’aa faaxee.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

Esayi 53:1

An gimu ke i nanna ta layteel? An anddu katil ne na ñamaak ale no Yaal oxe?

A sutax ale 6:12

Moyiis a reeƭa mbaambir no Yaal oxe too a doonaan ee: «Ɗeeti, Ii-isra’el we nan-gilooxiraam, yaaga koy, nam Firawon fee a nan-gilooritkaxam, mi fee xooleerna fa lay.»

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

O leetar ole Pool a bindna GIMU WE NGENNA ROM 7:22

Kaam jegtaa o ɗaay no kebil ke Roog kam ee kam es.

A pi ake 7:60

Cinj kaaga, a gooknooxa, a wuuq a maak, a lay ee: «O Yaal oxe, ba o damit a den bakaad fene.» Cinj a ƭelem akaaga, a ɓuta.

YEGIL MBAAX NE YEESU ne Saŋ a bindtuuna 9:40

Yaa leng-leng no Farisiya we ndeeƭna fo ten a nanna kaaga, a layaan ee: «Kaa o bug o lay ee kaa i mbuul.»

YEGIL MBAAX NE YEESU ne Lik a bindtuuna 20:19

Jaajangin waa no kebil ke Moyiis fo saasadax maak waa a and’a a paax ee den taxu Yeesu a laytaa a naxax alaaga. Ten taxu kaa mbaaƭoogu maa da ndoonitna a Yeesu o ɓay na waxtu faaga sax sax ta layoogna, ndaa kaa saɗar’u xeet faa.

YEGIL MBAAX NE YEESU ne Lik a bindtuuna 11:45

O leng no jaajangin maak waa no kebil kaa a layaan ee: «O Caajangin oxe, o naagangaa o laytaa neene, kaa o wenaa a in itam.»

Mace 3:7

Yaa Saŋ a ga’na Farisiya waa fo Sadusiya waa a ngaraa ndax da mbatiise’el, a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

Amos 7:10

Maaga, o saasadax oxe ne’eena Amatsiya kam Betel a lultiida me Yerobowam fee o maad Isra’el ee: «Amos oxe fuulandaa ƭool of kam ee kam mbind Isra’el sax, too saax le mbaagatee o muñ ke ta layaa fop,

Heseki’el 33:9

Kaa koy, o maƭooxangaa o soxodu, ndax o ɗapnoorin a pesoorooƭ um, too fesee a cinj a pesoorooƭ um, xan a xon kam njofaƭar um, soo wo o mat o ɓogoox teen qac.»

Heseki’el 33:3

o koor oxeene a ga’angaa xire a garaa took saax le, fat a jibin a luuƥ, a maƭoox xeet fee.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

A kim a tedu ke 119:174

O Yaal oxe, kaam tayaa a muc of, too a cangin of na ɗaaynooraxam.

A kim a tedu ke 119:77

Yirmaam, too yaaga xam ñoow, yaam a cangin of na ɗaaynooraxam.

A kim a tedu ke 119:70

Xeeñ den kaa ŋaaɗ nen neebam, ndaa mi o mat, a cangin of na ɗaaynooraxam.

A kim a tedu ke 119:35

Ɗoxaam na ƭat ale no kebil of, yaam teen um jegtaa o ɗaay.

A kim a tedu ke 119:24

Fa lay of na ɗaaynooraxam, teen um xottaa xa as.

A kim a tedu ke 119:16

Kaam jegtaa o ɗaay no ke dalnoona too weeciim ke hatna no don of.

A kim a tedu ke 40:8

Ten taxu um lay ee: «Mexey, garaam! Ke waruuma o fi, soƥaam ta bindel kam a pind a tedu ke.

A kim a tedu ke 1:2

ndax a ƴeewtaa o ɗaay um na cangin ale no Yaal oxe, a ɓunan ñaal fo o yeng.

A cangatin ale 29:4

Ɗoxaam a nuun boo xa kiid qarɓeen nahik kam a koƥ-a-ƥor ale, too ñirax ke nu ndokooxna siɗooxee, xa ñaaƭ axe na caf nuun ñaamooxee.

Yeremi 5:21

Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Esayi 42:20

Ga’aa tig mayu, ndaa damiro teen dara. Nof of a mbetooxa, ndaa naniro tus.

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.

Yeremi 35:13

«Keeke o Yaal oxe Roog fee Isra’el Hupna fop a layu: Reti o lay wiin we Yudaa fo we ngenna Yeerusaleem ee: Ndax kaa nu nan-gilooxkee fa lay es, njaɓ o maƭooxel? O Yaal oxe layun.

Heseki’el 3:7

Kaa koy, mbind Isra’el njaɓkirang o nan-giloox, yaam njaɓiraam o nan-giloox, mbind Isra’el fop kaa saƭik a qoox too a ndir a qeeñ.