Yeremi 6:1 - NQAARIIT NE ROOG

¹ O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Yeremi 6:1 Referans Kwoze

Nehemi 3:14

Malkiya fee o ƥiy Rekab kelfa’oogna o fiisel ole Bet-Hakerem a xendanda Ndokand ne no suqi ke. A maxatinaan, a wad teen begax ke, begir ke fo a kinglir ake.

Yeremi 6:22

Keeke o Yaal oxe a layu: «Xeet fey a inoortiidaa no saax laa no ɓemb-roog o janoon, saax maak a ɗistiidaa no cat adna.

2 Caloori ke 11:6

Betleheem, Eetam, Tekowa,

2 Sami’el 14:2

a lulta Tekowa, ndax ta ɓisiidel o tew o ƈiƴu. A layaan ee: «Fi’ooxi o ñaaw, rokoox toki ñaawoor too ba o ɗuumoox. Fesoori nen o tew oxaa miñna o ñaawooxaa.

Haahate we 1:21

Xa taan axe Bensame koy mbaag’ee o ndax Yeeyebus we ngenoogna Yeerusaleem, too boo ndiik weene a maada o ñoowaa ndeer xa taan axe Bensame kam Yeerusaleem.

Amos 1:1

Safe leeke kaa wetandooxaa ke Amos a layna, ta war o dal a Isra’el. Amos feene koy na saate fee Tekowa a gen’u, a ref o kaynaak, Roog a feeñlin keene na jamaane fee Usiya a refaa o maad Yudaa, Yerobowam fee o ƥiy Yehowas a ref o maad Isra’el, ta ref xa kiid xa ƭaq mbaambrand a yo’nax alaa no lanq kaa.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 10:22

Nan-gilooxangyo fangax combol le na matiidaa. Yo’in maak ley a inoortiidaa no saax le no ɓemb-roog o janoon. Teeru ke Yudaa xan a suptel a koƥ-a-ƥor, a ndefat ngenand xa ƥox-a-koƥ axe.

Yeremi 4:29

Teeru fee fop a ngoda o joor no fangax le no ŋaaŋaay pis we fo xaaxaƴ a qali we. Xa kus axe we njaɓnooxeel, a ƥil ake a ñayooxeel. Teeru fee fop a waase, too o leng genatee teen.

Yosuwe 15:63

Xa taan axe Yudaa koy, mbaag’ee o ndax Yeeyebus we ngenoogna Yeerusaleem, too boo ndiik weene a maada o ñoowaa a ndeer xa taan axe Yudaa kam Yeerusaleem.

Amos 3:6

Ndax jiin a waaga o jeg no saax, too tig xewee? Ndax sabab a waaga o xew na teeru, too o Yaal oxe yoonee teen?

Sakari 6:6

Pis ƥaal ke ngumneena a leng na sareet ake xan a sag no saax le no ɓemb-roog o janoon, bari ke a sag farna fo mudand, soo ceeñ ke a sag no saax le no ɓemb-roog o ñamaak.

Nehemi 3:5

denda fo ten, wiin we Tekowa a njalooga, ndaa garmi ke den kaa mbañoogu o njal no kebil no we adooxanna calel ke.