Goor waa ŋaayna pis oo weene ngaraa fo a sareet-xire kaa ngumneena pis ƭik. A dakooxahina o falaloox ee: ‹Koo a jiƭtooxa, a jiƭtooxa yoo, Babilon a jiƭtooxa! Xa taaƴ axe no roog ke ten fop a nduguñe a lanq.› »
Malaaka fa ƭikandeer a reefana fa eetaand fee, a lay ee: «Koo a jiƭtooxa, a jiƭtooxa yoo! Babilon fa maak fee yerinna qeet ke fop biiñ fee ten, refna a yaaw a paaxeer ake na seeqnooraa.»
A falalooxa a maak ee: «Koo a jiƭtooxa, a jiƭtooxa yoo! Babilon fa maak fee! A refata ngenand cini fo o jaɓnoorand o xos a yiif a paaxeer akuu ndefna fo o xos tiiƭ tiimbel kuu ndefna too a sibdel.
«Yegnityo a ndeer qeet ke, lambin, sip a laay a anddiloor, kaam ee lambinyo, mbañ o ƭasin dara, lay ee: Babilon a jaɓe, Bel a naag ɓot a sed, Merodak a diidlandel! Nitaal roog ke Babilon a seda ɓot, pangool ke ten a ndiidlandel.
Yaq fee wo waagaand tig, uut le wo waagee o wod. Fop we na nankaa ke daloonga xan a mboxanaa o njakad onqe wo, yaam an daaweeru no kañaan ne wo jegeerna ngakand?
Ndi nam Babilon a jaɓte nene? Ndi nam a jangte, ten oxe adna fa muum a kañoogna? Babilon o mat a refat o mbiñ o mbootu a ndeer qeet ke! Keene waagee jeg!
No ñaal leng kut ne, ndeer ñaf fo ƭeet, tig ƭik kene xan a ndalong: xan o ñak xa ƥeef soo refat o ñaaw. Keene xan a ndalong boo ta dey sik, ke mayoona may pannax fa doole fee no ñango of fop oo.
Ten taxu, xan taamaala faa waagkeeroona o saay a dalong. Xan o njakad a sagong, too waagkino o daɗ. Xan yaq fa maak faa foogu’eeroona a yen took of ndak fo ndak.