Yeremi 51:6 - NQAARIIT NE ROOG

⁶ Ƈufyo sutoox a Babilon, oxuu refna a mucil o ñis um, ndik nu saŋkoox na qaw ale ten, yaam waxtu a tabdinax no Yaal oxe yoo. Xan a rabdin a pi um.

Yeremi 51:6 Referans Kwoze

Yeremi 50:8

Ƈufyo sutoox a Babilon, inoox no saax le no Kaakalde we! Qustooryo nen a suk pambe kaa adooxanna ged.

Yeremi 50:28

Nan-gilooxyo! Xa buuq axe no ƴuuƴuf we, axe no we ndaɗitna no saax le Babilon, owe yegnitaa kam Siyoŋ ee: «O Yaal oxe Roog in a rabdinooxa, a rabdinooxana yaq fee no Mbind ne ten.»

Yeremi 50:15

Njibinyo o saax oo saax o wuuq xire took um! Babilon a ɓoxotooxa! Taax-took ke ten a ngaakooxa, tabax ke ten a njiƭtoox, yaam ndabdinax no Yaal oxe yoo. Ndabdinooxyo took um, mbi’in ke ta fi’na lakas we.

Yeremi 51:45

Nuun xeet es, sutooxyo me ten, oxuu refna a mucil o ñis um, a daɗ fuux ɗomu le mi, mi o Yaal oxe.

Yeremi 25:14

Yaam Kaakalde we fa qoox den itam xan a ndagoox qeet cegu doole fo maad maak, too xam rabid a den a pi den fo mbef den.› »

A lim ale 16:26

A laya mbokatax ne yee: «Ndiƈatooxyo ƭiif ke no wiin soxodu wene, too ba nu nduq dara no ke da njegna, yaam ndik pakaad ke den a mbarnoor a nuun.»

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

1 Timote 5:22

Fat o fi o ndang yaa o doonaa o kiin xa ƥay, yaam o bug o roxondin o far kam mbokatax ne no gimu we. Ba o ñofandooxin muk, too ba o fokatoor fo lakas we na bakaad den. Yufti a xoox of, waaƭ o tedel.

Yeremi 51:50

Nuun we ƥostooxna laƥ ne ten, ndetyo, ba nu ngeenoox! Ke nu ngoƭna fop oo, mbetandooxyo o Yaal oxe, too fat Yeerusaleem a ref na qeeñ nuun.

Yeremi 51:11

Lakyo a kas ake, mayƭand a tungaar ake! O Yaal oxe a xiira maad we Medi na xire, yaam kaa bug o gef a Babilon tuƈ. Ndabdinax no Yaal oxe yoo, ndabdinax ne na yaq fee no Mbind ne ten.

Yeremi 51:9

Kaa layel ee: «I mbaadna a Babilon, ndaa wodee! Fat i mbaasin pelek, nqaad, oxuu refna no saax um, yaam a qaw um a daawka a asamaan, a yoɗoox boo na eel akaa.»

Yeremi 50:31

Xam damir fa wo, o pelnooxu xe refoona, yaam bes of a fadiida, waxtu fee o gadooxkaa a pi of a gar. Mi o Yaal oxe na refkaa boo faw Hupna fop layun.

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

Yeremi 46:10

Ñaal neeke, bes no Yaal oxe na refkaa boo faw Hupna fop oo, faa ta rabdinooxkaa took no Miimisira we. Laƥ ne ten oxe fandaa boo a deyƭoox, a yeraa na fo’oy no fañ we. Sadax no Yaal oxe na refkaa boo faw Hupna fop oo, no saax le no ɓemb-roog o janoon, farna fo xuluɓ ole Ofrat.

Yeremi 27:7

Qeet ke fop xan a ndagooxin, ten fo o ƥeem fo o ndaan um, boo na waxtu fee saax um a hapaneena itam, yaa qeet cegu katil fo maad maak a ndamkan mbaƭ.

Yeremi 25:16

Xan a yerin soo a tifil-tifilin, a mbiriɓ yaa da nga’kaa a bar ale um garitkaa a ndeer den.»

Xa peƭit axe 13:20

Oxe na yoonaa fo jegu yiif we kaa jegaa o and, oxe na nakraa fo panxoy ke mat malkiran.

A cangatin ale 32:43

Nuun qeet ke, simatyo xeet fee no Yaal oxe. O Yaal oxe kaa rabdinooxaa fo’oy le no dag we ten, a xawaa fañ we ten soo a ɓogdaa saax um fa xeet um.»

A cangatin ale 32:41

neene a woortu yee xam lak weel le no laƥ es, dalin o cofel, rabdinoox took no fañ es, xaw we sibaxama.

A cangatin ale 32:25

No ped ke xan laƥ a ñaam a den, soo kam pind ke diid a war a den. Neene a refkaa no fes ole fo o toog oxe, no nqeq onqe nen o nogoy oxe.

Esayi 63:4

O nanangaan koy, kaam fosoox’u o rabdinoox xaye, too o hiid ole na bat ale na xeet es a fadiida.

Yeremi 48:6

‹Ƈufyo, mucil o ñis nuun, nand fo o faam-a-koƥ kam a koƥ-a-ƥor!›

Yeremi 51:36

Ten taxu keeke o Yaal oxe a layu: «Ga’angi, xam fartong, rabdinooxanong. Xam weerin o maag ole Babilon, ŋiisin a cur um.

Yeremi 51:56

O yaayaq oxe xe garaa took um, kaam ee oxe garaa took Babilon. A salma-koor ake ten a naange nuus, a qali ke den a ƥolel calit, yaam o Yaal oxe kaa ref Roog faa na rabdaa, a ɓoxotaa oxuu refna ndabid um.

A ƭomatax ake 3:64

O Yaal oxe, ɓoxoti a den ndabid jale na xa ƥay den!

A kim a tedu ke 94:1

Wo Roog o taarabdinax oxe, wo o Yaal oxe, Roog o taarabdinax oxe, laltinooxi no ndam of.