Yeremi 51:57 - NQAARIIT NE ROOG

⁵⁷ «Xam waynoor gelwaar we ten fo yaal-o-and we ten, gofornoor ke ten, kelfa ke ten fo a salma-koor ake ten. Xan a ƭaan o ƭaan o yokooxkaand.» O Maad oxe gon um a refna o Yaal oxe Hupna fop layun.

Yeremi 51:57 Referans Kwoze

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.

Yeremi 48:15

Mowaab a yaqe pic, teeru ke ten a songel, ñaƭiŋka ke ten a ƥakandel no warand olaa.» Mi o Maad oxe, gon es a refna o Yaal oxe Hupna fop layun.

Yeremi 25:27

O Yaal oxe a heblaxam um lay a den ee: «Keeke o Yaal oxe Roog fee Isra’el Hupna fop a layu: Yeryo, mbay nep, mbasil, yen boo nu inooxkatee, yaa nu nga’kaa a bar ale um garitkaa a ndeer nuun.»

Yeremi 51:39

ndaa ye da moƴna o ngañak, xam fexeyan a den mbumbaay, soo waynoor a den boo da naang nep. Xan a naang hanq a ƭaan, o ƭaan o yokooxkaand. Mi o Yaal oxe layun.

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.

Malaki 1:14

Sabab took no naanax oxe jegna kam o siir um njegel ngiñu naa ta regaxama, mi o Yaal oxe, soo a guut, a sadaxaam njegel siku, yaam a woora yee o maad o maak refum, too gon es kaa saɗarnoox kam qeet ke fop. Keene o Yaal oxe Hupna fop a layu.

Nahum 1:10

A soƥangaa sax ee kaa ndef kol kaa saaƭoorna, a nquƥaa saƥ, xan a ndox riw nen daaƭ laa naagna ŋayam.

Esayi 37:36

Malaaka no Yaal oxe a roka no saŋe ne no Aa-asuur we soo a war na den goor cuni teemeed fo goor cuni qarɓeen ɓetuu tadik fo goor cuni ƥetik. No feet nqes olaa, yaa waa nqon’eerna a yokooxna, a nga’a xa tal axeene fop.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

Esayi 44:25

Kaam ñufaa xa anddiloor axe no ɗeet maamaaɓ we, firiɓnooraa ñaañango we, nomtaa yaal-o-and we a cinj soo fudin o and den no ƭooɗofir.

Yeremi 13:13

Maaga, fat o lay a den ee: Keeke o Yaal oxe a layu: Nga’angyo, xam wayin nep fop we ngenna no saax lene, maad we moofna no uum-maamaad le Dawid, saasadax we, duleer we fo we ngenna Yeerusaleem.

Yeremi 50:30

Ten taxu o Yaal oxe kaa tee: «Mbes ke ten xan a yen no paayo ke ten, xiixire we ten fop a saŋkel a koom.

Heseki’el 20:33

Ne ta wooritna yee mexe ñoowaa, mi o Yaal oxe na refkaa boo faw layun, xam maadoox took nuun fo o ɓay o jegu doole fo a naax a cegu katil soo picit fuux es.

Nahum 3:18

Wo o maad oxe Asuur, ɗooɗox we wo owe ƭaanaa o ƭaan o yokukaand, xir say we wo a naang faq, xeet of a pasaroox took xa coong axe, too jegee o leng oxaa fokatna a den.