Yeremi 51:51 - NQAARIIT NE ROOG

⁵¹ Kaa nu layaa yee: «Kaa i sed’u, ye i nanna a ben ake, gaci fee a muur mukit in, ye wiin jan a maasandna o tedel ole no Mbind ne no Yaal oxe.»

Yeremi 51:51 Referans Kwoze

A ƭomatax ake 1:10

O pañ oxe a doona o ɓay um no kalal ke ta jeg’ina fop. Yeerusaleem a ga’a qeet lakas ke a ndokiidaa no Mbind tedu ne, qeet keene xañit’oona da mbog no mbokatax ne wo.

A kim a tedu ke 79:4

Gentand we in owey mbenaa a in, we mbidna a in a nqaadnooxaa soo a njalaa a in.

Mise 7:10

Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Dañel 11:31

Xan a luliid xiixire da maasand o mbiñ o tedu nqe refna saŋe ne, a ñuf sadax ke ƥoxotoogeena a Roog bes fuu refna, a sip maaga Cakalaaru ke sibdeena.

Heseki’el 36:30

Xam mayƭand xa tim axe no taxar ke fo ke xa qol axe a mbataa, ndax nu niwaƭarkataand a ndeer qeet ke yaam nqeex ne.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

Heseki’el 9:7

Maaga, a laya a den ee: «Nqoolaƭarandyo Mbind ne mi, soo mayƭand xa maax axe fo xa tal! Sutooxyo!» A sutooxa, a ndef no nqawaa kam teeru fee.

Heseki’el 7:18

Xan a nderoox xa saaku, soo diid a dam a den. Xan mukit ke fop a seeƈaar, a qoox ake den fop a ƥuurel.

A ƭomatax ake 5:1

O Yaal oxe, wetandooxi ke dalna a in! Ɗeeti too ga ne i ngaci’noorteena!

A ƭomatax ake 2:20

O Yaal oxe, ɗeetangi too ga oxe o fesoortaa neene. Rew a ndeta boo a ñaam xa ƥiy axe ngatna no laaw den, xa caaƈ axaa da njeg’ina o liir na den. Saasadax fo duleer a mbarte kam Mbind tedu ne no Yaal oxe.

Yeremi 52:13

A doxa Mbind ne no Yaal oxe fo mbind no maad ne fo pind ke Yeerusaleem boo no pind ke no wiin maak we fop.

Yeremi 31:19

A cinj ye i mbesoonga a cinj, i ndicooxa, a cinj ye i anddilooxna tooñ in, i ndiqooxa no kang. Kaa i sed, seeƈaar yaam ke i mbi’na no ndeƥandoong in.»

Yeremi 14:3

Wiin maak we a lula fo mboƭomsogor ne, da mbaaƭik foofi. Ye weene a mbadiidna no pand ke, soƥee teen foofi soo a nomtooxiid fo qaw ƥor, a may fo gaci, a sed, a muuroox.

A kim a tedu ke 109:29

We na njambaxam xan a neewandel, gaci a muur a den nen pay.

A kim a tedu ke 79:12

O Yaal oxe, nomti qeet kentand ke in boo a caf ɓetaa ƭaq a ben ake da mbenoonga.

A kim a tedu ke 79:1

A kim a tedu laa fogna na ke Asaf oo. Wo Roog, qeet lakas ke a mbañooxaniida saax le wo, a maasand Mbind tedu ne wo soo a mbi a Yeerusaleem juum kefatin.

A kim a tedu ke 71:13

Yaasam we na ñagadilaxam a sed, a saŋkoox! Yaasam we na mbexeyanaxam taamaala a sed, a naang ɓot!

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

Mise 6:16

Kaa nu ndeefaa o jaf Omri, laalaa a pesoorooƭ ake Ahab fee o ƥeem fo xa taan um fop, ndeefaa xa as den. Ten taxu xam ɓoxot teeru fee nuun, ta gefel, soo nuun we ngenna teen, um fi a nuun calat. Xan nu nqeefel a ndeer qeet ke fop.»

A kim a tedu ke 89:46

Xuufaa a pe ake no ndeƥandoong um, sednoorin ɓot. A maaf

Esayi 13:1

Keeke refu ke o Yaal oxe a feeñilna a Esayi fee o ƥiy Amoc, ta dalkaa a Babilon:

Esayi 14:1

O Yaal oxe xan a yirim a Yakoob. Ii, xan a jilahin a Isra’el soo a dalnatinin no lanq um. Xa kataakoon axe xan a mbokatooriid fa den, too xan a mbogat no mbind Yakoob.

Esayi 21:1

Ke layeena na koƥ-a-ƥor ale paam o maag ole: O njakad onqey a garaa, a inoor na koƥ-a-ƥor ale, no saax saɗarnooxu nen a und a maak alaa na xaañaa o ɓemb-roog o ñamaak.

Esayi 47:1

O Yaal oxe kaa tee: «Fudooxiidi, moof kam fo ut ole, wo Babilon o njaaƈ o ndoog onqe! Moofi a lanq, wo o ndoog onqe no Kaakalde we, yaam jegatiro uum-maamaad! No ke xotitna ndiiki xoykataandee o mosu xe mbaat o nequ xe.

Yeremi 25:26

– maad we no ɓemb-roog o janoon fop, da mat mbaat da ngoƭ, oxuu yoqteena, maat ke na adna fee fop daal, ndefna took lanq ke! A cinj den koy, xan o maad oxe Babilon a yer.