Yeremi 51:5 - NQAARIIT NE ROOG

⁵ Mi o Yaal oxe Roog fee Hupna fop, waasiim a Isra’el fa Yudaa, ke saax den a mayna may fo tooñ fop oo mbaambir es, mi o Tedu xe Isra’el.»

Yeremi 51:5 Referans Kwoze

Sakari 12:8

A koom, xan o Yaal oxe a saytoox we ngenna Yeerusaleem, too oxe moƴna neew doole na den xan a nand nen a Dawid, soo mbind Dawid a ref nen a Roog, nen malaaka fee no Yaal oxe mbaambir den.

Sakari 12:6

A koom koy, xam fi kelfa ke Yudaa a ndef nen gaagaañ fiɗel ndeer o joc, a ndef nen o jam olaa na kaƥaa ndeer a keeg, a ndaaɓaa o saax oo saax qeet ke mbiduuna fop, we ngenna Yeerusaleem o mat a moof me da ndefna, kam teeru fee den.»

Hoose 4:1

Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.

Sakari 2:12

O Yaal oxe Hupna fop lul’axama fa sañ-sañ me no qeet ke njangal’ina a nuun kaa tee: «Oxuu duqna a nuun, a duqa jooƴ a ngid es.»

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

Heseki’el 9:9

A doonaxam ee: «Tooñ ne no mbind Isra’el fa Yudaa kaa magin lool. Saax le oxe muut fo boom, teeru fee a naag gañ fo njofaƭar, yaam kaa da layaa yee: ‹O Yaal oxe kaa waas saax le pelek, ga’ee dara.›

Heseki’el 8:17

A laamtaxam ee: «Wo fee o ƥiy no kiin, ndax ga’aa keene? Ndax kaa mbind Yudaa ndeyƭooxee no mbi’aa cednooxu ke da mbi’aa mene? Kaa da mayƭandtaa saax le ngiin fo’oy soo a ndefahin no tooñaxam. Den oo weene a mbaƭa a naaq ngeec no ñis den.

Yeremi 50:20

Mi o Yaal oxe kaam ee: Na pe akaaga fo na jamaane faaga, xan njofaƭar ne Isra’el a waaƭeel muu refna, ndaa doonkaand a ngid, bakaad fee Yudaa a naaɓeel, ndaa ga’kaand sen. Yaam xam waasan we um xaƴkaa da ñoow.

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Yeremi 31:37

Keeke o Yaal oxe a layu: «Asamaan fee a waag’ange o liiƥ mbaat a per ake no lanq ke a mbaagel o ƥaal, yaaga deɓkoogaam xa taan axe Isra’el fop yaam ke da mbi’ina fop.» O Yaal oxe layun.

Yeremi 23:15

Ten taxu keeke o Yaal oxe Hupna fop a layu no duleer we: «Xam ñaamnoor a den qaaɗu soo yernoor a den foofi laa jegna ndoxar, yaam duleer we Yeerusaleem ngaru fo o yaqax ole naagna gañ kam saax le fop.»

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

Esayi 62:12

Xan a nqoyeel «xeet fa tedu fee», «we o Yaal oxe a watna», soo wo, o xoyeel «oxe na yaaweel», «teeru fee waasaandeena».

Esayi 44:21

«Wo Yakoob, wetandooxi a paax kene, wo Isra’el fee o tag es, ba o weec ee kaam sakong, ndax o jalanaxam. Wo Isra’el, weeciroong muk.

A kim a tedu ke 94:14

O Yaal oxe deɓee xeet um, waaskee we ta jegna.

Esdaraas 9:9

Faɗ i ndefu, ndaa kam mbaƭ ne in Roog in waasee a in. A fi’a boo maad we Persi a lal a in o paaxel, a nqaƴ a in i ñoowatin. A ci’a a in i maxatin Mbind ne Roog in, yoɗatin kefatin ke ten, soo a ci a in o laqooxand o wooru kam Yudaa fa Yeerusaleem.

1 Sami’el 12:22

O Yaal oxe xaƴkee a nuun yaam gon maak le ten fo ne ta heboox’ina yaaga o fi a nuun xeet um, ten fa xoox um.

2 Maad we 21:16

Manaase a ɓaxa itam fo’oy no caambuur mayu boo Yeerusaleem a may fo fo’oy, fogreerna fo pakaad ke ta bakaadnoor’ina wiin we Yudaa, ye ta fi’na kaa faaxeerna na kid no Yaal oxe.

1 Maad we 6:13

Xam gen a ndeer Ii-isra’el we too xaƴkiim a Isra’el fee xeet es muk.»

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Esayi 51:15

Mi refu o Yaal oxe Roog of na jumbandaa o maag ole boo a yag-ee-yag ake ten a ndititaa. Gon es refu o Yaal oxe Hupna fop.

Yeremi 14:9

Xar taxu o ref nen o koor o caqu, nen a salma-koor alaa waageerna o mucil? Yaag oo toox de, woxey a ndeer in, wo o Yaal oxe, too kaa i kesanel a wo. Ba o xaƴ a in boog.

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

Yeremi 51:19

Roog fee Yakoob koy nandee fa den, yaam o ten saku fop, moƴtaa sax xeet fee ta jegoodna. Gon um refu o Yaal oxe Hupna fop.

Hoose 2:1

Yaag oo toox de, Ii-isra’el we xan a mos o mayit nen pep lanq na ƥeeraamb o maag, mbaagaandeena o eed mbaat da limel. Me da layteel ee: «Nu ndefee xeet es», xan a layel ee: «Xa ƥiy Roog fa ñoow jok fee.»

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»