Yeremi 51:41 - NQAARIIT NE ROOG

⁴¹ Ndi nam Babilon a jaɓte nene? Ndi nam a jangte, ten oxe adna fa muum a kañoogna? Babilon o mat a refat o mbiñ o mbootu a ndeer qeet ke! Keene waagee jeg!

Yeremi 51:41 Referans Kwoze

Yeremi 25:26

– maad we no ɓemb-roog o janoon fop, da mat mbaat da ngoƭ, oxuu yoqteena, maat ke na adna fee fop daal, ndefna took lanq ke! A cinj den koy, xan o maad oxe Babilon a yer.

Esayi 13:19

Babilon, mosandoor ke no maat ke, kumooxel qaaƴoor ke no Kaakalde we xan a nand nen a Sodoom fa Gomoor Roog a gef’ina tuƈ.

Yeremi 49:25

Nam a waasitkaande pelek, teeru fa njegu o ndam, teeru fee refna o ɗaay es?

Dañel 4:30

Ndak fo ndak, fa lay faaga a fadnooxa. Nebukadnesaar a raxte a ndeer no wiin we, a ñoowtataa daaƭ nen qoox ke, soo liim le a yenaa took um. Wiil um kaa jigid’atu boo nen a naf a canjiik, soo paambaañ um a njigdit nen paambaañ ndiiƭ.

Dañel 4:22

Xan o raxtel a ndeer no wiin we, genik fo muumeen-a-koƥ ke, ñoowtaa daaƭ nen qoox ke, soo liim le a yenaa took of. Xan a refit neene boo xa kiid ɓetaa ƭaq boo yaa o andkaa yee Roog fee Took-ee-took kelfa’u maat ke no wiin we soo a ci’an oxuu feluuna.

Dañel 2:38

A ɓoxota na xa ƥay of wiin we fo muumeen ke fo tiiƭ ke soo a ci’ong o maadoox took den fop fo muu da mbaagna o ndef. Wo refu boog xoox wurus le.

Heseki’el 27:35

Fop we ngenna na pimb ake a njaqa yaam wo. Maad we den a ndiida boo a sendaa, mukit den a seeƈaar.

Yeremi 51:37

Babilon xan a refat juum kefatin, ngenand xa ƥox-a-koƥ. Xan a refat o njaaxɗataand fo qaadnooxel, too o leng genkatee teen.

Yeremi 50:46

Fangax le na caɓ ale Babilon xan a tax lanq ke a yo’noox, xa buuq a nannoox a ndeer qeet ke.

Yeremi 50:23

Ndi nam o leede le na adna fa muum a ɓolte, a duguñel? Ndi nam Babilon a gefte tuƈ, a refat o njaaxɗataand a ndeer qeet ke?

Esayi 14:4

xan o xaadnoox o maad oxe Babilon, gimanan ee: Nam keene a waagoortu? O ñaañagadil oxe a wata, kañaan um a ñuf!

2 Caloori ke 7:21

Oxuu reefna paam Mbind neeke laasoogeena, xan a jaaxiɗ, a laamtooxaa yee: ‹Xar taxu o Yaal oxe a fi kene saax lene fo Mbind nene?›

A cangatin ale 28:37

No qeet ke o Yaal oxe a ɓiskaa a nuun fop koy, xan da ndam xa ton no ke na dalkaa a nuun, a naxoortaa a nuun soo a nqaadnooxaa a nuun.