Yeremi 51:3 - NQAARIIT NE ROOG

³ Xam hebil xaaxaƴ a qali we den ee: ‹Nqaƴyo took no weene ƭaay’ina a qali den, den fo we na nqaaƴooraa ndoki njelem den. Ba nu mbuus mbes ke den, saŋikyo xiixire we ten fop.›

Yeremi 51:3 Referans Kwoze

Yeremi 50:14

Nuun xaaxaƴ a qali we fop, mbogooxanyo xire me widna a Babilon. Nqaƴyo took um, ba nu ngend a kas ake, yaam a tooña o Yaal oxe.

Yeremi 46:4

Nguminyo pis ke, ŋaayyo, nuun ŋaaŋaay pis we! Ngeenooxyo fo xa maxanda xire, lak a salma ke, ndokoox toki celem ke!

Yeremi 50:21

Songyo saax le Meratayim, ndal took we ngenna Pekod! Moocandyo a den, saŋik a den boo ba o leng a yoq! Mi o Yaal oxe layun. Mbadinyo ke hebluuma a nuun fop!

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

Yeremi 50:27

Mbaryo wiin maak we ten fop, ƥis a den no warand olaa! Sabab took den, yaam bes den a fadiida, waxtu fee da ngadooxkaa a pi den.

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

A kim a tedu ke 137:9

Oxe na damkaa xa qeq axe wo soo a mokand a den no ɓil le, a ɗaaya.

A cangatin ale 32:25

No ped ke xan laƥ a ñaam a den, soo kam pind ke diid a war a den. Neene a refkaa no fes ole fo o toog oxe, no nqeq onqe nen o nogoy oxe.

Yeremi 51:53

Babilon a yoɗoox’angaa boo na asamaan sax, a sip’angaa saŋe um took-ee-took boo waagaand o daaw, hebliidkoogaam yaayaq waa ndaawuuna.» O Yaal oxe layun.