Yeremi 51:12 - NQAARIIT NE ROOG

¹² Yoɗyo o anddiloor o songir saŋe ke Babilon! Saƭkandyo a yetax ale, ndalin yeeyetax we, ƥengin goor, yaam o Yaal oxe a fi’a yuuƥ too xan a fadin ke ta layna took no we ngenna Babilon.

Yeremi 51:12 Referans Kwoze

Yeremi 51:11

Lakyo a kas ake, mayƭand a tungaar ake! O Yaal oxe a xiira maad we Medi na xire, yaam kaa bug o gef a Babilon tuƈ. Ndabdinax no Yaal oxe yoo, ndabdinax ne na yaq fee no Mbind ne ten.

Esayi 13:2

«Sipyo a laay a anddiloor took o joong o haltooxu le. Mbalalooxyo a den, cax a den fo o ɓay, ndax da ndeefit no ndokand ne no garmi ke.

Nahum 2:1

Nga’yo, o tuleer oxey a garaa took xa coong axe, a ɓisiidaa o nan o felu, a yegnitaa jam. Nuun wiin we Yudaa, ndoofandyo qew ke nuun soo mbadin a tegit ake nuun no Yaal oxe, yaam o caree tus oxe dakkatee me nuun. A moocande boo xoo!

Yeremi 51:29

Lanq ke kaa ngiiƈ-ngiiƈnaa, a yo’nooxaa, ye o Yaal oxe a fadnaa ke ta yuuɓanna a Babilon. Xan a fi a Babilon o mbiñ o mbootu, saax laa o leng a genateerna.

Yowel 3:2

No ñaal kaaga, xam fudniid Yiif es took no faɗ we sax, goor fo rew.

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.

Yeremi 51:27

Yoɗyo o anddiloor o songir, ndax fop a nga’in, njibin a luuƥ a ndeer qeet ke! Mbapanyo qeet ke a Babilon, nqoy maat ne Araraat, ne Mini fo ne Askenaas, ndalin a salma-koor akaa siiknoorna fo ten! Ƥakandiidyo pis, songin nen eel tooroog.

Yeremi 50:2

«Yegnityo a ndeer qeet ke, lambin, sip a laay a anddiloor, kaam ee lambinyo, mbañ o ƭasin dara, lay ee: Babilon a jaɓe, Bel a naag ɓot a sed, Merodak a diidlandel! Nitaal roog ke Babilon a seda ɓot, pangool ke ten a ndiidlandel.

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

Yosuwe 8:14

No nqes naa, ye o maad oxe Ay a ga’na Ii-isra’el we, a ñofa o sutoox teeru faa fo xiixire um fop, ndax ta ñoxorik fa den na mbeel xire laa jasnoorna fo xa saawit axaa Yordaan. And’ee koy ee a jega waa ƥenguuna laqa teeru fee.

Yeremi 4:28

Ten taxu lanq ke a ñaawooxaa, soo asamaan fee a niifaar maaga took, yaam layaanum, fosooxin. Ricooxkinum, nomtooxkiim teen a cinj.»

Yeremi 23:20

Fuux le no Yaal oxe ɓooskee, boo yaa ta fi’kaa, a fadin yuuƥ ke no xeeñ um. Xan nu andin taa mbaambir.

Yeremi 50:25

O Yaal oxe a weta ngeekand um, a suudit teen ƥonax ke ta laltitkaa fuux ɗomu le ten. O Yaal oxe na refkaa boo faw Hupna fop xan a fadin calel um kam saax le no Kaakalde we.

Esayi 11:12

Xan a sipan a saax ake o anddiloor, a fokat kam Isra’el we sutoox’ina saax le soo a korol we pasaroox’ina na Yudaa na xa saax xa nahaq axe na adna fee.