Yeremi 51:11 - NQAARIIT NE ROOG

¹¹ Lakyo a kas ake, mayƭand a tungaar ake! O Yaal oxe a xiira maad we Medi na xire, yaam kaa bug o gef a Babilon tuƈ. Ndabdinax no Yaal oxe yoo, ndabdinax ne na yaq fee no Mbind ne ten.

Yeremi 51:11 Referans Kwoze

Yeremi 46:4

Nguminyo pis ke, ŋaayyo, nuun ŋaaŋaay pis we! Ngeenooxyo fo xa maxanda xire, lak a salma ke, ndokoox toki celem ke!

Yeremi 50:45

Ten taxu, nan-gilooxyo ke o Yaal oxe a yuuɓanna a Babilon, ƭaap ke ta fofanna saax le no Kaakalde we. A woora yee xan a ƭooqel nen cegel boo no we moƴna o neew, xa suufand axe den a mbiitnel mbaambir den.

Yeremi 50:9

Nga’angyo, xam init no saax le no ɓemb-roog o janoon a yaj a pokate no qeet maak, ɓakandiid a den took Babilon. Xan a mbogooxanin, a njaɓin. A kas ake den kaa nand fo ake no qir o say oxaa gatkeerna o ƥor muk.

Yeremi 46:9

Pis ke, ƭuuɗyo, a sareet-xire ke, mbi’yo ƥooy! Fat a salma-koor ake a sutoox, ake Kuus fo ake Puut na saqaa pegoor fo ake Luud na saqaa, a nqaƴaa a qali!

Sakari 14:12

Neeke mat o Yaal oxe a xawitkaa qeet ke na inooxankaa a Yeerusaleem: cer den xan a yastooxaa, too da maad o ñoowaa, a kid den a setooxaa kam a kamb ake den, ɗelem den a fot kam xa ton den.

Sakari 14:2

O Yaal oxe xan a fokat qeet ke fop, da inooxan a Yeerusaleem. Teeru fee xan a jaɓel, pind ke a mbaltel, rew we a ngignel, genwal fee no wiin we a ƥisel gilaa saax took o hup doole, ndaa we na yoqkaa na den sutkaand teeru fee.

Yeremi 51:35

Yaasam a ƭom-yedar ale fo pariƴ ke Babilon a fi’axama a yen took um! Yaasam fo’oy es a yen took we ngenna Kalde!» Xeet fee genna Siyoŋ layun.

Yeremi 51:24

Xan nu nga ne um rabditkaa a Babilon, fop we ngenna Kalde, paaxeer ke da mbi’na a Siyoŋ. Mi o Yaal oxe layun.

Yeremi 51:12

Yoɗyo o anddiloor o songir saŋe ke Babilon! Saƭkandyo a yetax ale, ndalin yeeyetax we, ƥengin goor, yaam o Yaal oxe a fi’a yuuƥ too xan a fadin ke ta layna took no we ngenna Babilon.

Yeremi 50:25

O Yaal oxe a weta ngeekand um, a suudit teen ƥonax ke ta laltitkaa fuux ɗomu le ten. O Yaal oxe na refkaa boo faw Hupna fop xan a fadin calel um kam saax le no Kaakalde we.

Esayi 46:11

Xoytaam a canjiik no batand. Kaam ee xoytaam no saax goƭu leene o koor oxe na fadinkaa yuuƥ ke mi. Kuu layuuma xam fi’in, too kuu yuuɓuuma xam fadnin.

Esayi 45:5

Mi refu o Yaal oxe, too jegee o lakas. Jegee roog fa lakas faa jolna mi. Ke and’eeraxamoona fop oo, yaqanee um fapong.

Esayi 45:1

Keeke o Yaal oxe a layu a Kiirus fee ta ɗuumna: «Xam damong no ɓay o ñamaak, ndax o maaf a saax ake, jaɓ sañ-sañ ke no maad we, soo daƈit a kinglir ake no begax ke no teeru ke mbodna mbaambir of.

Esayi 41:25

Intaam o koor no ɓemb-roog o janoon, too oxey garaa. Gon um le ne’eel no batand. Kaa duutaa maad we ne lopopooƈ a nootteel mbaat ne o maamax qaw a duuttaa ƭok um.

Esayi 21:5

Ñaamel ke a ndiƈe, xa sar axe a ƭaapel, da ñaamaa, a yeraa. Ndak fo ndak, o wuuq a jiba yee: «Xir say we, inooxyo! Ƭuumyo pegoor ke nuun!»

Esayi 21:2

Laleem mbeeñil mbitnooxu: O koohod oxe a hoda, o yaayaq oxe a ref no yaq. «Nuun Ee-elam we, songyo! Nuun Meemedi we, mbidyo teeru fee o kurul-keƥ. Xam watin xa iin axe fop.»

Esayi 10:26

O Yaal oxe Hupna fop a ɗaayana a Asuur o qiir um, ndax ta xawin ne ta xawit’ina Maamajan we no ɓil laa Oreb. Ne ta fi’it’uuna a koom alaa ta yoɗna o loq um took o maag olaa no saax laa Misira, neene deŋ a fi’itkan.

Esdaraas 1:1

No hiid o eetaand ole no maat Kiirus fee o maad Persi, o Yaal oxe a fosooxa fadand ke ta yegnit’ina, a reefandin no tuleer Yeremi. A ci’a a Kiirus yiif, ta simit o lambnanel, a bindel itam, ndax maat um fop a yeg kene:

2 Caloori ke 36:22

No hiid o eetaand ole no maat Kiirus fee o maad Persi, o Yaal oxe a fosooxa fadand ke ta yegnit’ina, a reefandin no tuleer Yeremi. A ci’a a Kiirus yiif, ta simit o lambnanel, a bindel itam, ndax maat um fop a yeg kene:

1 Caloori ke 5:26

Roog fee Isra’el a riña a Pul fee na xoyeel a xoy Tiglat-Pileseer fee o maad oxe Asuur, ta song xa piisel axe na carind ale Ruben fo ale Gaad fa genwal a carind ale Manaase. A ɓisa a den took o hup doole Halah, Haboor, Hara fo paam o xuluɓ olaa Gosaan, too a maada maaga boo no ñaal roog ne xaye.

1 Maad we 11:23

Roog a ɓaata o sutan a Salomo o pañ o lakas refna Reson fee o ƥiy Elyada ƴufit’ina no mbind no yaal um Hadadeseer fee o maad Cooba,

1 Maad we 11:14

O Yaal oxe a sutana a Salomo o pañ. Oxeene Hadad a ne’’e, a ref o Ee-edoom, a fog no ƥasil no maad ne Edoom.

A paɗax ale 26:25

Xam ɓisiid xire kam saax nuun, ndax um xaw a nuun, yaam ne nu ƭegna ngiɓoor es. Xan nu laqooxaa kam teeru ke, ndaa yaaga yoo um fudniid piste a ndeer nuun boo nu ƥoxotoox no fañ nuun.

Yeremi 25:25

– maad we Simri, we Elam fo we Medi fop,

Yeremi 46:3

«Nuun Miimisira we, ndeepatirandyo pegoor neewu fo maak, ƥeran a ñoq ale!

Yeremi 50:3

Xeet a inooxantaan no ɓemb-roog o janoon too xan a supit saax le ten a pec. O leng genkatee teen, wiin we fo cegel ke a nduux a koƥ.

Yeremi 51:36

Ten taxu keeke o Yaal oxe a layu: «Ga’angi, xam fartong, rabdinooxanong. Xam weerin o maag ole Babilon, ŋiisin a cur um.

Dañel 5:30

No yeng olaaga sax sax, Baltasaar fee o maad oxe Babilon a ware,