Yeremi 51:1 - NQAARIIT NE ROOG

¹ Keeke o Yaal oxe a layu: «Xam wuuɗiid nqeñ yaayaq took Babilon, took no fañ we mi.

Yeremi 51:1 Referans Kwoze

Amos 3:6

Ndax jiin a waaga o jeg no saax, too tig xewee? Ndax sabab a waaga o xew na teeru, too o Yaal oxe yoonee teen?

Hoose 13:15

Efrayim a bug oo neep nen ndaxar a ndeer no fog um, ndaa nqeñ ne no batand xan a gar, buuƭ ne no Yaal oxe a yoɗoor na koƥ-a-ƥor ale. Xan a ŋiisin kas ke ten, a weerin a cur ake ten, kalal ke ten fo tig oo tig cegu njiriiñ ke ten fop a mbaltel.

A pi ake 9:4

A yena a lanq, too a nana o ñuxur olaa layooguuna yee: «Sool, Sool xar taxu o ñagadilaxam?»

Sakari 2:8

A hebla faaga yee: «Ƴufi lay o koor oxe pokooxna o ƥaak o liiƥir ole yee: ‹Yeerusaleem, teeru fa njegee saŋe a refkaa, yaam wiin fagkatar we fo cegel cegee hap ke na ndefkaa a ndeer um.

Heseki’el 19:12

Kaa koy, a fuur’e fo fuux ɗomu, a deɓel a lanq. Nqeñ ne no batand a weerna xa tim axe ten, xa par xa maak axe a mbastoox soo a mbeer. Fiɗel le a raaɓa a den.

Yeremi 50:33

Keeke o Yaal oxe Hupna fop a layu: «Ii-isra’el we fo Yuuyudaa we a ñagadilandoore. Fop we ƥis’ina a den gilaa saax took o hup doole a maada o ndamaa a den, a mbañ o nqaƴ a den.

Yeremi 50:29

Nqoyanyo a Babilon xaaxaƴ a qali we, fop we ndefna ɗana! Ndalyo me widuuna, ba o leng a daɗ. Ndabdeenoo a pi um, mbi’in deŋ ne ta fi’na lakas we! Kaa lalit o felnax um paam o Yaal oxe, paam o Tedu xe Isra’el.

Yeremi 50:24

Wo Babilon, ɗaapanaaxoong mbog, o yen teen, too foogino. Ye ga’ee’oona teen rek, naagee nuus, yaam kaa o maafir fa mi o Yaal oxe.»

Yeremi 50:21

Songyo saax le Meratayim, ndal took we ngenna Pekod! Moocandyo a den, saŋik a den boo ba o leng a yoq! Mi o Yaal oxe layun. Mbadinyo ke hebluuma a nuun fop!

Yeremi 50:9

Nga’angyo, xam init no saax le no ɓemb-roog o janoon a yaj a pokate no qeet maak, ɓakandiid a den took Babilon. Xan a mbogooxanin, a njaɓin. A kas ake den kaa nand fo ake no qir o say oxaa gatkeerna o ƥor muk.

Yeremi 49:36

Xam ɓisiid took Elam qeñ nahik, da ngatiid no cat nahik ke na asamaan. Xam feesit a den qeñ keene fop. Jegkee xeet fa leng faa ga’keerna we ƈufitna Elam a ndokiidaa me ten.

2 Maad we 19:7

O maad oxe xan a daaw o nan, too xam ɓek no ten yiif laa na riñkan ta nomtoox no saax um, soo um warnoorin maaga fo laƥ.› »

A kim a tedu ke 137:8

Wo o ndoog onqe Babilon na gefkeel tuƈ, oxe na doonkang leng kut ke doon’oona a in, a ɗaaya.

Yeremi 23:19

A und ale no Yaal oxe xey! Fuux le a biltooxa, too a qeñ a maak alaa na wirlooxaa a dala took no soxodu we!

Esayi 13:13

Ten taxu, asamaan fee xan a yo’noox, lanq ke a ngiiƈ-ngiiƈin yaam fuux le no Yaal oxe Hupna fop a koom alaa fuux ɗomu le ten a ɓiltooxkaa.

Esayi 14:14

Xam garit a eel ake took, fodir fo xe Took-ee-took.»

Esayi 21:1

Ke layeena na koƥ-a-ƥor ale paam o maag ole: O njakad onqey a garaa, a inoor na koƥ-a-ƥor ale, no saax saɗarnooxu nen a und a maak alaa na xaañaa o ɓemb-roog o ñamaak.

Esayi 47:1

O Yaal oxe kaa tee: «Fudooxiidi, moof kam fo ut ole, wo Babilon o njaaƈ o ndoog onqe! Moofi a lanq, wo o ndoog onqe no Kaakalde we, yaam jegatiro uum-maamaad! No ke xotitna ndiiki xoykataandee o mosu xe mbaat o nequ xe.

Yeremi 51:53

Babilon a yoɗoox’angaa boo na asamaan sax, a sip’angaa saŋe um took-ee-took boo waagaand o daaw, hebliidkoogaam yaayaq waa ndaawuuna.» O Yaal oxe layun.

Yeremi 51:60

Yeremi kaa bind’u no safe taamaala ke na ndalkaa a Babilon fop, fa lay fene fop bindeena took Babilon.