Yeremi 50:8 - NQAARIIT NE ROOG

⁸ Ƈufyo sutoox a Babilon, inoox no saax le no Kaakalde we! Qustooryo nen a suk pambe kaa adooxanna ged.

Yeremi 50:8 Referans Kwoze

Yeremi 51:6

Ƈufyo sutoox a Babilon, oxuu refna a mucil o ñis um, ndik nu saŋkoox na qaw ale ten, yaam waxtu a tabdinax no Yaal oxe yoo. Xan a rabdin a pi um.

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

Mbeeñil 18:4

Cinj kaaga, nanaam o ñuxur o lakas a inoortiid na asamaan, a lay ee: «Nuun xeet es, sutooxyo teen, ndax nu mbogkee no pakaad ke ten, soo njeg a las no taamaala ke naruuna o ndal,

Yeremi 51:45

Nuun xeet es, sutooxyo me ten, oxuu refna a mucil o ñis um, a daɗ fuux ɗomu le mi, mi o Yaal oxe.

2 Korint 6:17

Ten taxu o Yaal oxe a lay ee: «Nu mbara njangoox a den, soo nqaajoor fa den. Ba nu nduq dara kaa xoolaƭarna, too yaaga xam dalin a nuun.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

Xa peƭit axe 30:31

a siik ale na jaayooxaa, suk fambe fo o maad oxe adooxanna xiixire um.

A lim ale 16:26

A laya mbokatax ne yee: «Ndiƈatooxyo ƭiif ke no wiin soxodu wene, too ba nu nduq dara no ke da njegna, yaam ndik pakaad ke den a mbarnoor a nuun.»

Esayi 52:11

Nuun we saqna ƥaxañ ke kesaneena a paɗax ale no Yaal oxe, njangooxyo, ñof o ndet, sutoox a Babilon, too ba nu nduq dara kaa xoolaƭarna. Ƭofityo nqool, yaa nu sutooxan.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»