Yeremi 50:7 - NQAARIIT NE ROOG

⁷ Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

Yeremi 50:7 Referans Kwoze

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

Yeremi 2:3

Maaga, Isra’el kaa kesan’el o Yaal oxe nen taawlax ke no saxade le. Fop we nduqooguuna, a nqawooge, taamaala a sagoox a den.» O Yaal oxe layun.

Sakari 11:5

paal keene jiijik den a mbaraa too mbi’iran ta ref tig, we na njikooxaa a den a layaa yee: ‹Roog ndok! I njegata xaaliis!›, too gaynaak den itam njegee na den yirmande fa leng.

Yeremi 31:23

Keeke o Yaal oxe Roog fee Isra’el Hupna fop a layu: «Keeke na laykahineel kam saax le Yudaa fo kam teeru ke ten, yaa um nomtiidkaa we ƥiseena gilaa saax took o hup doole na den: ‹Yaasam o Yaal oxe a barke’ong, wo o joong o tedu le Siyoŋ, ngenand o cofel ne.›

Yeremi 50:17

Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Sakari 1:15

too fuuxanaam tigi qeet ke njegna ne mbugna, yaam o ndik rek fuux’um, ndaa o hupal den taxu boo taamaala fee a fod neeke.

Dañel 9:16

O Yaal oxe, naa moofo a pi of kaa njof. Ngela ɓoosdandi fuux of fo ngañak of, mandaxin xeeñ of na Yeerusaleem fee teeru of, o joong o tedu le wo, yaam pakaad in fo tooñ ke no daan in taxu boo we mbidna a in fop a nqeef a Yeerusaleem fa xeet fee wo.

Dañel 9:6

I nan-gilooxee duleer we dag of layanoogoonga fo maad we in fo kelfa ke in fo daan we in fa xeet fa muum fee no saax le.

Yeremi 50:33

Keeke o Yaal oxe Hupna fop a layu: «Ii-isra’el we fo Yuuyudaa we a ñagadilandoore. Fop we ƥis’ina a den gilaa saax took o hup doole a maada o ndamaa a den, a mbañ o nqaƴ a den.

Esayi 56:9

«Nuun ƥaaɓaan ke na koƥ ale fop, nuun muumeen ke no suungaan le, ngaryo ñaam!

Esayi 47:6

Kaam fuuxan’u xeet es, fudin we jeg’uuma soo ɓoxotong a den. Wo o mat, yirmiro a den, gadnaa o nogoy oxe sax kadoor meɗu ke wo.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

A kim a tedu ke 91:1

Oxe na yoogooxaa me no xe Took-ee-took, a jaɓnooxaa me no Cegu katil oxe,

A kim a tedu ke 90:1

A qeƭ ale Moyiis fee o kiin Roog oo. O Yaal oxe, no suk boo no suk wo refu njaɓnooxand in.

A kim a tedu ke 79:7

yaam a lista a Yakoob, a mbayit ngenand den.

A kim a tedu ke 71:5

O Yaal oxe na refkaa boo faw, wo yaakaarum, hoolooxong no kaa xotitna no ndeƥandoong es.

Yeremi 5:17

Xan a ñaam saxade le nuun fo ñaamel nuun, a saŋik xa ƥiy xa koor axe nuun fo xa ƥiy xa tew axe nuun, a salax xa siir nuun fo a ked nuun, a mbiitin a ƭing taxar biiñ ake nuun fo tun ke nuun. Xan laƥ den a ndaadin teeru cegu saŋe ke nuun, nu ngoolooxna.

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Heseki’el 34:5

A pasarooxa took o ñak o kaynaak, a ndefat muud no ƥaaɓaan ke na koƥ ale, a pictoor.

Heseki’el 35:12

Xan o and ee mi o Yaal oxe nanaam a ben ake fop wenoona xa coong axe Isra’el ee: ‹A ndefata fo mbiñ fo mbootu, um ɓoxotel a den nen mbuufuɗag listel.›

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Yeremi 50:14

Nuun xaaxaƴ a qali we fop, mbogooxanyo xire me widna a Babilon. Nqaƴyo took um, ba nu ngend a kas ake, yaam a tooña o Yaal oxe.