Yeremi 50:5 - NQAARIIT NE ROOG

⁵ Xan a laamtaa a ƭat ale jofna Siyoŋ, a ngeleer a kid den farna fo maaga: ‹Ngaryo, i ndamoox no Yaal oxe no ngiɓoor naa na refkaa boo faw, too i mbeeckiran muk.›

Yeremi 50:5 Referans Kwoze

Yeremi 32:40

Xam dalin fa den ngiɓoor naa na refkaa boo faw, neene feskatiim a den a cinj, ndaa xam fi’an a den paax, ɓek na qeeñ den o saɗaraam, ndax saytoorkatee fa mi.

Esayi 55:3

Ndungyo nof nuun too ngar me mi. Nan-gilooxyo, too xan xa laaw nuun a ñoow. Xam dalin fa nuun ngiɓoor naa na refkaa boo faw, ci a nuun yirmande es, ne regtit’anuuma a Dawid.

Esayi 35:8

Xan a jeg maaga a qal a podrande, a ƭat alaa na bugko xoyeel a ƭat a tedu le. Oxaa xoolaƭarna reefkee teen. We ndefanna o Yaal oxe soom na njegkan. Fop we na nqotkan mo’kee, boo no ɗof we sax.

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Mberaand 17:7

Xam dam ngiɓoor ne a ndeer es fa wo, damin a ndeer es fo xa taan of axe na ndeefankang, reefandin no suk den. Xan a ref ngiɓoor naa na refkaa boo faw, naa um refkaa Roog of fo Roog na xa taan of.

2 Korint 8:5

Keene koy hup’u yaakaar in lool, yaam kaa eet o ƥoxot a qoox den o Yaal oxe, cinj kaaga da ƥoxotoox na in, ne Roog a bugtuuna.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.

A kim a tedu ke 84:7

Boo da nqaañaa a yulanq ale na xa lool axe, kaa suptooxaa xur mayu a cur, soo a teƥ ale a mayƭandan fa barke.

1 Maad we 19:14

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

2 Sami’el 23:5

Neene mbind es a nandu mbaambir Roog. A dalna fa mi ngiɓoor naa na refkaa boo faw, a saƭik too a woor. Ten na saxnaa a muc es fop fo o bug es fop.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Yeremi 31:6

Xan a jeg bes faa yeeyetax we a mbalalooxkaa took xa coong axe Efrayim ee: ‹Inooxyo, i ŋaay Siyoŋ, maa no Yaal oxe Roog in!› »

Yeremi 31:21

Sipi xa anddiloor axe wo, lup a teex ake wo, ndax o and me o jofaa. Ɗeeti a paax a ƭat ale, na qal ale o ñaaƴaa. Nomtooxiidi, wo Isra’el o njaaƈ o ndoog o andee adna nqe, nomtooxiidi no teeru kene jegoona.

Heseki’el 16:61

Xan o wetandoox a pesoorooƭ of, too xan o sed teen, yaa o daawatinkaa maag of fo xa teɓ of rew. Xam cooxong a den nen xa ƥeef xa tew, ndaa ngiɓoor of fa mi taxkiran.

Heseki’el 37:22

Maaga, xam fokat a den, too xan a ndefat xeet fa leng kut took xa coong axe Isra’el. O maad o leng kut na bugko maadooxanaa a den fop. Ndefkatee qeet ƭik, too nqaajoorkatee, a ndef maat ƭik.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.