Yeremi 50:4 - NQAARIIT NE ROOG

⁴ Na pe akaaga fo na jamaane faaga, Ii-isra’el we fo Yuuyudaa we xan a nomtooxandooriid. Mi o Yaal oxe layun. Xan a ñaaƴaa a loolaa, a mbaaƭaa o Yaal oxe Roog den.

Yeremi 50:4 Referans Kwoze

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Yeremi 31:31

O Yaal oxe kaa tee: «Ñaal key a ngaraa, kaa um dalnatinkaa ngiɓoor nqas fa xeet fee Isra’el, dalnatinin fa fee Yudaa.

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»

Heseki’el 39:25

Ten taxu keeke layum, mi o Yaal oxe na refkaa boo faw: Ndiiki xam supit muj fee Yakoob, yirim mbind Isra’el fop soo naalaa gon tedu es.

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

Esayi 63:4

O nanangaan koy, kaam fosoox’u o rabdinoox xaye, too o hiid ole na bat ale na xeet es a fadiida.

Esayi 55:6

Mbaaƭyo o Yaal oxe, yaa ta waageena o ga, ƈufginooxeenoo, yaa ta refna paam nuun.

Esayi 45:19

Layiim na pet, no mbiñ onqaa niɓaanna tit. Simiim xa taan axe Yakoob itam da mbaaƭaxam maa dara refeerna. Mi o Yaal oxe, booru um layaa. Ke um yegnitaa kaa xool qac, too no ɓil laa a godu.»

Esayi 14:1

O Yaal oxe xan a yirim a Yakoob. Ii, xan a jilahin a Isra’el soo a dalnatinin no lanq um. Xa kataakoon axe xan a mbokatooriid fa den, too xan a mbogat no mbind Yakoob.

A kim a tedu ke 105:4

Mbaaƭyo o Yaal oxe fa doole um, ngen no mbaaƭaa mukit um.

Saak 4:9

Naqadilooxyo yaam pakaad nuun. Ñaawooxyo too lool. Ba nu njalat ndaa loolyo. Ba nu mbelakinooxat ndaa naqadilooxyo.

Yeremi 41:6

Isma’el fee o ƥiy Netaniya a sutoora Mispa, a xetik fa den, a loolaƭooxaa. Yaa ta fadna maa den, a laya a den ee: «Mbadiidyo maa Gedaliya fee o ƥiy Ahikam!»

Heseki’el 16:61

Xan o wetandoox a pesoorooƭ of, too xan o sed teen, yaa o daawatinkaa maag of fo xa teɓ of rew. Xam cooxong a den nen xa ƥeef xa tew, ndaa ngiɓoor of fa mi taxkiran.

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

2 Caloori ke 7:14

maaga, xeet es fee ci’uuma gon es a neewandooxangaa, a nqeɗ, a mbaaƭaam, soo a mbes a cinj a ƭat a paaxeer ale den, yaaga xam nan-giloorit a den na asamaan, waasanit paakaad den soo naatandahin saax den.

Hoose 11:10

«Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.