Yeremi 50:2 - NQAARIIT NE ROOG

² «Yegnityo a ndeer qeet ke, lambin, sip a laay a anddiloor, kaam ee lambinyo, mbañ o ƭasin dara, lay ee: Babilon a jaɓe, Bel a naag ɓot a sed, Merodak a diidlandel! Nitaal roog ke Babilon a seda ɓot, pangool ke ten a ndiidlandel.

Yeremi 50:2 Referans Kwoze

Esayi 46:1

Bel a gooknooxa, Nebo a lomoƴoox. Xa taaƴ den a sufe took cegel, took cegel meɗe dis. Ke nu yoɗoogna took kaa refat a toq a meɗu no cegel keene nqijna laƈ.

Esayi 21:9

Goor waa ŋaayna pis oo weene ngaraa fo a sareet-xire kaa ngumneena pis ƭik. A dakooxahina o falaloox ee: ‹Koo a jiƭtooxa, a jiƭtooxa yoo, Babilon a jiƭtooxa! Xa taaƴ axe no roog ke ten fop a nduguñe a lanq.› »

Yeremi 51:47

Ñaal key a ngaraa, kaa um ɓekkaa o ɓay nitaal roog ke Babilon. Saax le fop xan a may fa gaci, qon ke a naang gañ muu refna.

Yeremi 51:44

O Yaal oxe kaa tee: «Xam xaw a Bel, roog fee no Kaakalde we, huqnin ke ta ɗuudna, too qeet ke njaginkatee me ten. Saŋe ne Babilon sax xan a yen junjang.

Mbeeñil 18:2

A falalooxa a maak ee: «Koo a jiƭtooxa, a jiƭtooxa yoo! Babilon fa maak fee! A refata ngenand cini fo o jaɓnoorand o xos a yiif a paaxeer akuu ndefna fo o xos tiiƭ tiimbel kuu ndefna too a sibdel.

Sofoni 2:11

Xan o Yaal oxe a saɗarnoox na den, yaam xan a moocand roog ke no lanq ke fop, too a pimb ake moƴna o liitoox sax xan a ngung mbaambir um me da ndefkaa ndef.

Yeremi 52:31

No hiid qarɓeen tadik fo hiid o ɓetuu ɗikandeer ole no mbaƭ ne Yoyakin fee o maad Yudaa, no ñaal qarɓeen ƭik fo ñaal ƥetkandeer ne no nqool xarɓaxay fo nqool o ƭikandeer onqe, Ewil-Merodak fee o maad oxe Babilon, no hiid o feraand ole no maat um, a yirma a Yoyakin fee o maad Yudaa soo a sutnin na kaso faa.

Yeremi 51:52

O Yaal oxe kaa tee: «Ñaal key a ngaraa, kaa um ɓekkaa o ɓay nitaal roog ke Babilon, soo xa iin axe no we ngaañooxna a naang gañ kam saax le.

Yeremi 51:31

O yeeyegnit a ƴufa, a soƥik o yeeyegnit o kend um, ndax da ndaawin o maad oxe Babilon ee teeru fee ten a jaɓe o saax oo saax.

Yeremi 51:8

Ndak fo ndak, Babilon a jiƭtooxa, a duguñoox. «Ƭomatooxyo took um, mbaaƭan uut le ten teex ƭuumooxel, xeƈa xan a wod.»

Yeremi 50:46

Fangax le na caɓ ale Babilon xan a tax lanq ke a yo’noox, xa buuq a nannoox a ndeer qeet ke.

Yeremi 46:14

«Yegniteenoo Misira, nannooreenoo Migdol, nannooreenoo Memfiis fa Tapanes! Layyo yee: ‹Ngeenooxyo, njagandoox!› Yaam laƥ ne a raadna gentand nuun boo a ƴut.

Yeremi 31:10

Nuun qeet ke, nan-gilooxyo fa lay fee no Yaal oxe, lambnin na pimb a koƭu ke! Layyo yee: «Oxe pasarna a Isra’el xan a fokatin, a gayin ne o kaynaak a gaytaa o siir um.»

Yeremi 6:18

Ten taxu, nuun qeet ke, nan-gilooxyo, andyo a paax ke na dalkaa a den!

Yeremi 4:16

Mbetandyo kene qeet ke, andnoorin a Yeerusaleem: Soosong owe inoortiidaa no saax goƭu, a njibnaa xa buuq xire took teeru ke Yudaa.

Esayi 48:6

Nu nana ke yegnit’uuma yaaga, too nu nga’a yee fop a fadnooxa. Ndax kaa nu njaɓkiran? No ke xotitna xaye koy, qas ƥor um yegnitaa, ta ref kaa hend’uuma too ta kunpa’u a nuun.

Esayi 39:1

Na jamaane faaga, Merodak-Baladan fee o maad oxe Babilon, a ref o ƥiy Baladan, a lulta a Hiskiya xa leetar fo a ƭeeteer, yaam a yeg ee kaa jir’u boo a wodat.

Esayi 37:19

soo a ndeɓ roog ke na saax akeene na fiɗel. Kaa ndeeƭee roog tiindigil, ndax a ndef soom xa taaƴ a qanq fo a ƥil axaa wiin we a njalna. Ten tax’u boo da mbaag o yaq a den.

Esayi 13:2

«Sipyo a laay a anddiloor took o joong o haltooxu le. Mbalalooxyo a den, cax a den fo o ɓay, ndax da ndeefit no ndokand ne no garmi ke.

Esayi 12:4

too a koom xan nu lay ee: «Simatyo o Yaal oxe, lambin gon um, yegin qeet ke a pi a mosu ke ten soo mbetand wiin we yee gon um hupu fop.

A kim a tedu ke 96:3

Lambinyo o ndam um a ndeer a saax ake, com’andtu ke ten a ndeer qeet ke fop,

A kim a tedu ke 64:9

Ɗelem den na maafnoorkaa a den, too fop we na nga’kaa a den, xan a mbulaa a qoox.

A kim a tedu ke 97:7

Fop we na mbaɗooxaa pangool ke, a nqaaƴooraa xa koɓong axeene xan a sed. Roog ke fop kaa ngungaa mbaambir no Yaal oxe.

Esayi 48:20

Sutooxyo Babilon, ñofyo inoox no saax le no Kaakalde we. Yegnityo fo o ɗaay o nan olene boo no cat adna. Yegniteenoo, lambnin too lay ee: «O Yaal oxe a wata a Yakoob fee o tag um.»

Yeremi 4:6

Sipyo a laay a anddiloor farna fa Siyoŋ, ƈufyo, ba nu ngeenoox, yaam o Yaal oxe xe heblitiidaa taamaala no ɓemb-roog o janoon fo o njakad o maak.

Yeremi 51:12

Yoɗyo o anddiloor o songir saŋe ke Babilon! Saƭkandyo a yetax ale, ndalin yeeyetax we, ƥengin goor, yaam o Yaal oxe a fi’a yuuƥ too xan a fadin ke ta layna took no we ngenna Babilon.

Yeremi 51:27

Yoɗyo o anddiloor o songir, ndax fop a nga’in, njibin a luuƥ a ndeer qeet ke! Mbapanyo qeet ke a Babilon, nqoy maat ne Araraat, ne Mini fo ne Askenaas, ndalin a salma-koor akaa siiknoorna fo ten! Ƥakandiidyo pis, songin nen eel tooroog.

Dañel 1:2

O Yaal oxe a ɓoxota a Yoyakim fee o maad Yudaa na xa ƥay um, soo a xaƴin ta jang na xa ƥaxañ axe no Mbind Roog ne. Nebukadnesaar a ɓisa a Yoyakim fo wiin um Sine’aar took o hup doole, soo xa ƥaxañ axe, ta ɓek a den kam mbind ne no roog ke ten, a diƈ a den na kamba le.

Dañel 3:14

o maad oxe a laamta a den ee: «Wo Sadrak fa Mesak fa Abed-Nego, ndax kaa nu ndiy mbañ o mbaɗoox roog ke mi soo naang faƥit ee nu ngungkee mbaambir nitaal wurus ne sipuuma?

Yeremi 10:11

Fat nu lay a den keeke: Roog ke sakeerna a asamaan mbaat lanq ke xan a mooc took lanq ke fo ɗuga asamaan fee.

Yeremi 10:15

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.