Yeremi 50:10 - NQAARIIT NE ROOG

¹⁰ Saax le no Kaakalde we xan a gefel, fop we na mbalitkan xan a ndeyƭoox. Mi o Yaal oxe layun.

Yeremi 50:10 Referans Kwoze

Yeremi 25:12

Yaa xa kiid qarɓeen ɓetuu ƭik axe a mbadnooxkaa, xam dal took o maad oxe Babilon fa xeet um yaam tooñ den, dal took saax le den um taskaa boo kili. Mi o Yaal oxe layun.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.

Yeremi 27:7

Qeet ke fop xan a ndagooxin, ten fo o ƥeem fo o ndaan um, boo na waxtu fee saax um a hapaneena itam, yaa qeet cegu katil fo maad maak a ndamkan mbaƭ.

Esayi 45:3

Xam ci’ong kalal ke laqeena no niɓaan ole fo o jeg ole ɗasneena a paax, ndax o and ee mi refu o Yaal oxe Roog fee Isra’el, xoyoonga no gon of.

Esayi 33:23

Yaa xa ƥaak axe wo a yandkaa boo ndamkatee a maaw ale ta saƭik too letinkatee a laay a anddiloor, kalal mayu ke nqotteena na xire xan a lasrel. We na laƴaa sax xan a mbog na yaq fee.

Esayi 33:4

Kalal ke den fop xan a ngifel nen kaa soƈ a nduudinna, a ngindrel nen ngindir tooroog.

Yeremi 50:26

Inooryo muu refna, ngar took Babilon, mbaƭit tap ke ten, mbi’in a kusax, ngefin tuƈ. Baa dara a yoqat teen.

Yeremi 51:24

Xan nu nga ne um rabditkaa a Babilon, fop we ngenna Kalde, paaxeer ke da mbi’na a Siyoŋ. Mi o Yaal oxe layun.

Yeremi 51:35

Yaasam a ƭom-yedar ale fo pariƴ ke Babilon a fi’axama a yen took um! Yaasam fo’oy es a yen took we ngenna Kalde!» Xeet fee genna Siyoŋ layun.

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

Yeremi 50:37

Fat laƥ ne a dal took pis ke ten fo a sareet-xire ke ten, took no xos no wiin wuu ndefna a ndeer um, da nand fo rew. Fat laƥ ne a dal took kalal ke ten, da njaɓel.

Habakuk 2:8

Ne jangaloona qeet mayu, xan ke yoqna no qeet ke a njangalong, yaam fo’oy le no wiin we ɓaxoona fo a pi a yednu ke fi’oona na saax ake, kam teeru ke fo we ngenna a den fop.›