Yeremi 5:7 - NQAARIIT NE ROOG

⁷ O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 5:7 Referans Kwoze

Galati 4:8

Yaaga nu andafulee a Roog, kaa nu mbaɗooxoogu kaa refeerna Roog.

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

Yosuwe 23:7

Ba nu ndokoor fo qeet ke maadna o ndefaa a ndeer nuun. Ba nu ne’aa a kon ake no roog ke den mbaat nu ndaaɓoortaa a den mbaat nu mbaɗooxaa a den mbaat nu ngungaa mbaambir den,

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

1 Korint 8:4

Um nomtooxiid koy no ke sadaxeena pangool: I anda yee fangool tigi jegee, kaa foogeena rek oo, Roog fa leng kut jegu.

Yeremi 23:10

Yaam saax le kaa naag gañ fo waa na seeqaa. Saax le kaa ngooy yaam a salax, xa suufand axe na koƥ-a-ƥor ale a mbeer koroŋ. Wiin we paaxeer doŋ a ƈufanaa, njambaar den a feeñtaa no njofaƭar.

A cangatin ale 32:15

Xeet fee no Yaal oxe a naagata naluƈ soo a ñak o njek. Isra’el kaa giñat tem, a magin, a jegat cer soo a xaƴ a Roog fee o saasak um, a xeef ɓil le na muc ale ten.

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

Yeremi 12:16

Maaga, a aqatooxangaa a ƭat ake na xeet es, a ndaaɓoorit gon es ee: ‹Ne ta wooritna yee o Yaal oxe xe ñoowaa›, ne da njangnitna xeet es da ndaaɓooraa a Baal, xan a ndalnel a ndeer xeet es.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Hoose 7:4

Den fop kaa seeqaa, a nandtaa njuɗand puuru naa o cuujuɗ oxe a heƥandna. Soxla’atee o wuuɗaa fiɗel le, yaa ta jaxasna nqiiw ne boo yaa ta foɗaxna.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Heseki’el 22:11

A jega me wo we njimbooxna no cednooxu fo o tew no kend den, wene a nqoolaƭarandit a qoox den o wondoox fo seemir den rew, waana a ngignaa jigeen den ndefna xa ƥiy xa tew faap den.

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

Yeremi 9:2

O Yaal oxe kaa tee: «Ɗelem den kaa nand nen a qali ŋaayne, ndax da maaɓ doŋ. Ndigil taxee da maadooxaa no saax le, yaam kaa mbi’aa paaxeer took paaxeer too nqalamiraam o and.

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

A kim a tedu ke 50:18

O ga’angaa o kuuɗ, o xaariitoor fo ten, soo ref o yoon no seeseeq we.

A paɗax ale 20:10

Boo o koor a seeqna fo o tew no kend um, den ɗik fop fat a mbarel.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

2 Caloori ke 13:9

Kaa nu ndax saasadax we no Yaal oxe ndefna xa taan axe Aaroon fo Leelewi we, soo njilan a qoox nuun saasadax nen qeet ke na saax a lakas ake. Oxuu ɓisiid’ina nqoox fo a suk paal ɓetaa ƭaq rek, nu ndalfooxin o mbi o saasadax no ke refeerna Roog.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Yeremi 16:20

Ndax o kiin a waaga fi’an a xoox um roog? Ke na mbi’eel ndefee roog.»

A ƭomatax ake 3:42

«I mbakaada, nanaƭaran, too wo, waasanino a in!»

Ke bindeena no xe ne’eena YOB 31:12

Kaa refkoogu fiɗel laa na raaɓaa, a yaqaa fop, a sooyin fop ke lanq es a mbatna.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.