Yeremi 5:6 - NQAARIIT NE ROOG

⁶ Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Yeremi 5:6 Referans Kwoze

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Habakuk 1:8

Pis ke den moƴu ñof o ƴaxal, a moƴ o ƈaxooxaa a teeteem na kid-a-caɓru. Pis ŋaaye ke den kaa mbaaslooxaa, a inoortiid koƭu, a yetaa nen a canjiik alaa waaslooxanna mbuufuɗag um.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Mbeeñil 13:2

Ɓaanoor fee ga’uuma koy kaa nandtoogu o ƴaxal, a caf um a nandtaa a caf ursu, o don um a nandtaa o don njogoy. Niŋki-naŋka a doxnaan katil um fo maat um fa sañ-sañ fa maak fee ten.

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.

Dañel 7:6

Cinj kaaga, ɗeetoogaam too ga’aam ɓaanoor fa lakas faa nandtoogna o ƴaxal, a saq a nafir a nahak ndiiƭ took ndiiñ um. Ɓaanoor feene a qoox a nahak a jeg’u, too a ɓoxote ngelfa.

Dañel 7:4

Fa eetaand fee kaa nandtoogu njogoy, ndaa a nafir a canjiik a saq’u. Kaam ɗeetoogun, boo neen a nafir ake ten a mbofe, ta yoɗtel a lanq, a geennitel a caf a ciijing ake ten nen o kiin soo a cooxel sagu no kiin.

Heseki’el 23:19

A mayƭanda njaga um, yaa ta wetandooxaa jamaane fee no ndeƥandoong um, ye ta jaga’oogna no saax laa Misira.

Heseki’el 16:25

No ƭat-sal nuu refna, jalaa maaga ndaalaand of, fi cednooxu fo o mosel of, ɓoxotoox no tak-a-faaf oxuu refna, mayƭand njaga of.

A ƭomatax ake 1:5

Fañ we ten a njega ne mbugna, ñaañagadil we ten a ndef na jam, yaam ne o Yaal oxe a fi’uuna ƭomu, o ngar fo pakaad pagkatar ke ten. We nqawuuna a tañtañna mboƥ ne ten, da ndet no mbaƭ naa.

Yeremi 49:19

Ga’angi, nen njogoy naa na sutoortiidaa no joc ole Yordaan, a jagin na xa suufand xa quƥu sap axaa, neene, ndeer ñaf fo ƭeet, xam rax Ee-edoom we no saax le den, dalin teen oxe um jilkaa. Ndi an nandu fa mi? An saɗu xeloor fa mi? O aa-adax oxum na xoxkaa mbaambir es?»

Yeremi 30:24

Fuux le no Yaal oxe ɓooskee boo yaa ta fi’kaa, a fadin yuuƥ ke no xeeñ um. Xan a jeg camaane kaa nu andkan.

Yeremi 30:14

Fop we mbesanoogoonga a mbeecaang, mbaaƭatirang muk, yaam xawtaaxoong nen o pañ, fadong ƭomu yaam tooñ mayu ke wo fo pakaad magnu ke wo.

Yeremi 25:38

A waasa ngenand um, ne o njogoy o njanglax a waastaa nqanq um, yaam saax le den a raadnite fuux le no yaayaq oxe fo fuux ɗomu le ten.

Yeremi 14:7

Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Esayi 59:12

Kaa i nanaƭaranong a caf a mayu. Tooñ ke in kaa njambaa a in, pakaad in a nqox na yiif in, too i anddilooxata tooñ ke in.

A kim a tedu ke 104:20

Kaa o hebliidaa o niɓaan ole, soo ta yeng, muumeen-a-koƥ ke fop a ƭis.

Esdaraas 10:10

Esdaraas fee o saasadax a inooxa, a lay a den ee: «Nu mbi’a cageer, ye nu ndolnirna fo rew jan, soo ƥaat neene tooñ ne Isra’el.

Esdaraas 9:6

soo lay ee: «Roog es, mexey na gaci too sedaam o yoɗ mukit es farna fa wo, wo Roog es, yaam pakaad in kaa ngartat a in took, soo tooñ in a cokrandoor boo na asamaan.

A lim ale 32:14

Ndiiki koy, kaa nu mbug o ndeef o jaf no daan nuun, xa ƥiy no baabakaad we nu ndefna, soo njumband fuux le no Yaal oxe took Isra’el.

A kim a tedu ke 80:13

Xar taxu o sex xa kur na xa ƭiiɗing axe ten, boo dak-a-faaf we a mbardaa tuunq ke?

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 30:15

Xar taxu o ɗomatooxaa yaam ngaañax ne wo fo o ƭomel ole wo waageerna o wod? Tooñ mayu ke wo fo pakaad magnu ke wo taxu um fi’ong keene.

2 Caloori ke 36:14

Aa-adax we no saasadax we fop fa xeet faa kaa moƴ’u o ngore’aƭaraa, a ndeefaa a pi a cednooxu ke no qeet lakas ke. A nqoolaƭaranda Mbind ne no Yaal oxe kam Yeerusaleem ta tedland’ina.

Ke bindeena no xe ne’eena YOB 10:16

Mexaa yoɗaa xoox es, o daabaam nen njogoy, xawtahinaxam com’andtu ke wo.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

Yeremi 8:7

A caroox ale na yetaa na asamaan sax a anda a mbane ta molaa, a qoɗoxoñ ale, o helaar-roog ole fo a keel ale a and waxtu fee da mbarna o ngat, ndaa xeet es o mat andee bargal ke no Yaal oxe.»