Yeremi 5:5 - NQAARIIT NE ROOG

⁵ Xam xot boog farna fo wiin maak we, lay fa den, yaam den o mat a anda a ƭat no Yaal oxe, ke Roog den a simitna.» Kaa koy, den itam, a ƥola kadoor ke, a ƭeg a cengir ake.

Yeremi 5:5 Referans Kwoze

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

YEGIL MBAAX NE YEESU ne Lik a bindtuuna 19:14

Kaa koy, we ngen’ina fo ten kaa sib’un, too a lula wiin a cinj um, ndax da lay ee: ‹I mbugee oxene a dodel o maad in.›

YEGIL MBAAX NE YEESU ne Lik a bindtuuna 18:24

Yaa Yeesu a ga’na yee kaa gooy, a laya yee: «Xan yaal kalal ke a ƭom o ndok no Maat ne Roog.

Malaki 2:7

Ke o saasadax oxe a cungteel refu ta andnoor wiin we a Roog, too no don um a cangin ale a waru o sutooraa, yaam kaa ref o tuleer no Yaal oxe Hupna fop.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

A sutax ale 32:25

Moyiis a ga’a yee xeet fee kaa ndamoox na xa koɓong xa ƥor, soo Aaroon itam a xaƴ a den na xa koɓong axeene, a jeernooraa a den mbaambir fañ we den.

Yeremi 9:3

Fat oxuu refna na nuun a wootoox a xaariit um, too ba nu ngooloox o pog nuun o leng, yaam o pog oxuu refna kaa ƴiƴtaa, soo xaariit fuu refna a yaqaa ƭool.

Heseki’el 11:2

O Yaal oxe a layaxam ee: «Wo fee o ƥiy no kiin, goor weene ndefu we na yuuɓaa paaxeer soo a cooxtaa xa as xa paaxeer kam teeru fee.

2 Caloori ke 36:14

Aa-adax we no saasadax we fop fa xeet faa kaa moƴ’u o ngore’aƭaraa, a ndeefaa a pi a cednooxu ke no qeet lakas ke. A nqoolaƭaranda Mbind ne no Yaal oxe kam Yeerusaleem ta tedland’ina.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Yeremi 2:31

Nuun wiin we no suk nene, nan-gilooxyo a paax ke o Yaal oxe a layna: Ndax a koƥ-a-ƥor reeƭum na Isra’el mbaat saax o niɓaan? Xar taxu xeet es a lay ee: ‹In njegu a qoox in, i mbugee o nomtooxiid me wo?›

Yeremi 8:7

A caroox ale na yetaa na asamaan sax a anda a mbane ta molaa, a qoɗoxoñ ale, o helaar-roog ole fo a keel ale a and waxtu fee da mbarna o ngat, ndaa xeet es o mat andee bargal ke no Yaal oxe.»

Yeremi 30:14

Fop we mbesanoogoonga a mbeecaang, mbaaƭatirang muk, yaam xawtaaxoong nen o pañ, fadong ƭomu yaam tooñ mayu ke wo fo pakaad magnu ke wo.

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.