Yeremi 5:26 - NQAARIIT NE ROOG

²⁶ A jega kam xeet es wiin soxodu. Kaa nandtaa foofog waa ngooknooxna a ƥeng. Kaa ƭaap pog, ndax da ndam wiin we.

Yeremi 5:26 Referans Kwoze

Xa peƭit axe 1:11

A mbaagaang o lay ee: «Gari yoon fa in, i ƥeng o kiin, mbarin, ƭaapan a jaambuur mbog no kaa o leng a andeerna.

Yeremi 18:22

Yaasam xa paɗax a njibit no pind ke den, yaa o hebliidkaa took den ndak fo ndak saasaay. Yaam a mbaqanaxam gamb, ndax da naangaam nuus, a ƭaapanaam mbog na caf es.

A kim a tedu ke 64:5

ndax da nqaƴ a den na yelem took no xe ñakna ƥanjel. Asooxkee, yaa da nqaƴaa, too ndiidkee dara.

YEGIL MBAAX NE YEESU ne Lik a bindtuuna 5:10

Naaga o mat a refit’u fo yoon we ten, Saak fa Saŋ, we xa ƥiy Sebede. Cinj kaaga, Yeesu a laya a Simoŋ ee: «Ba o saɗar dara! Taa paam, o paafaal no wiin o refkaa.»

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Esayi 32:7

O naanax oxe ƥonax qaƥu a jegu. Kaa ɗaapaa yuuƥ paaxeer, ndax ta gefit o ndool onqe xa maaƥ soo a xañtin ɓur um.

Yeremi 9:8

Ndax xawkiim a den yaam keene, soo rabdinoox took xeet fa nandu neene?» O Yaal oxe layun.

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

Mise 6:10

Mee ndax a maada jegaa kam pind ke no soxodu we kalal kaa da njegitna na ƭat a qeleer fo eedir paaxeer kaa sibuuma.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.