Yeremi 5:24 - NQAARIIT NE ROOG

²⁴ Layee taa kam den ee: ‹Fat i saɗar o Yaal oxe Roog in, ten oxe na ci’taa a teƥ na waxtu um, ta ref na sarandam fo no seek o deɓ, soo a kesan a in a pe ake na saxad ale.›

Yeremi 5:24 Referans Kwoze

A kim a tedu ke 147:8

O ten na muurtaa asamaan fee a eel, a jagandanaa lanq ke a teƥ, soo a jolnaa daaƭ le took xa coong axe fo tuufe-duufe ke na njiriiñaa o kiin.

Yowel 2:23

Nuun we ngenna Siyoŋ, ndefyo no ɗaay too mbelakinoox no Yaal oxe Roog nuun, yaam a ci’a a nuun a teƥ a paax. A fudnaniida a nuun puyaam ke, a teƥ a sarandam ake fo a seeseek ake nen yaaga.

Mberaand 8:22

Feek lanq ke we maadaa, a tuup fo a saxad, a ƥuuɓ fo a sumaan, ñaal fo o yeng ñakkatee muk.»

A pi ake 14:17

Yaag oo toox de, Roog mosee o ñak o lalit ke ta refna na pexey paax ke ta fi’aa: Kaa ci’taa a nuun na asamaan a teƥ fo tiig paax, a ci’aa a nuun ñaamel ke ndeyna, soo a mayƭandaa a qeeñ nuun fo o ɗaay.»

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

Mbeeñil 11:6

Yaam seede ɗik weene a njega sañ-sañ faa da mbegitna asamaan fee, ndax a teƥ jegkatee no ñaal ke da mbugko o njo’tanaxam. A njega itam sañ-sañ faa da suptitna foofi fo’oy fa sañ-sañ faa da nqawitna adna fee fop xa ƭomel xa pagkatar a mbanuu ta felna a den.

Saak 5:7

Fog es, ten taxu mexe layaa a nuun, nu muñ boo na waxtu faa o Yaal oxe a nomtooxiidkaa mene. Nandyo fo o qooxoox: Ngam a fadangaa, o qooxoox kaa duufaa, soo a ref no cungaa bes faa a teƥ a ɓogkaa a cun ake.

Sakari 10:1

Boo a sarandam a fadiidna, nqeɗyo o Yaal oxe a teƥ, too yaaga xan a hiiñ. Xan a deɓan a nuun boo a qaandiind ake a ndaxraa, oxuu refna, ta saxin o qol um.

Amos 4:7

Doonaam teen xañ a nuun a teƥ boo a qool a tadak no ndiig, deɓan saax, xuur le ta detoorna, o qol a deɓel, ole ta detoorna a ga’aƭar o ndoq, duufe um fop a weer.

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Yeremi 50:5

Xan a laamtaa a ƭat ale jofna Siyoŋ, a ngeleer a kid den farna fo maaga: ‹Ngaryo, i ndamoox no Yaal oxe no ngiɓoor naa na refkaa boo faw, too i mbeeckiran muk.›

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Esayi 64:7

Yaag oo toox de, o Yaal oxe, wo refu faap in. Kaa i ndef ƭok ke, soo o ref o maamax oxe. Wo maxu a in, in fop.

Ke bindeena no xe ne’eena YOB 38:37

An jegu o and olaa ta limitna a eel ake soo a rungiid pand ke na asamaan,

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

A cangatin ale 28:12

Xan o Yaal oxe a wetan a nuun pand ke ten ndefna na asamaan, a deɓaniid saax le nuun na waxtu um soo a barke fop ke xa ƥay nuun a njalna. Xan nu ndawin qeet mayu too nu ndawkee.

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Ke bindeena no xe ne’eena YOB 5:10

Kaa deɓaa took lanq ke, a heblaa foofi le na xa qol axe.

A kim a tedu ke 65:9

We ngenna na adna a ndiida boo no we no cat adna yaam xa anddiloor axe wo. Kaa o ƴeelnooraa wiin we fop, a xotit no batand boo no mudand.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 3:3

Maaga, xañtaaxoong a teƥ ale, too jegatee puyaam seeseek, ndaa kaa o xox no jaga’aa too sediro teen dara.

Ke bindeena no xe ne’eena YOB 29:23

Kaa da cungoogaam ne a teƥ ale a cungteel, a tayaa fa lay es nen ngam.

Yeremi 10:13

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keegand ke ten.