Yeremi 5:22 - NQAARIIT NE ROOG

²² Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Yeremi 5:22 Referans Kwoze

A kim a tedu ke 104:9

Fiisanaa a den me da mbarna o nday, ndax ngarkatee a muur lanq ke.

Ke bindeena no xe ne’eena YOB 26:10

Kaa fiis a keeriit took juwaam fee, ta wid lanq ke, maa a qoolaand ale a suptoortaa o yeng.

Xa peƭit axe 8:29

ye ta fiisanaa o maag ole me ta warna o day, ndax poofi ke ten njolkee a ƥeeraamb ale, a doonaa a per ake no lanq ke.

A kim a tedu ke 119:120

Cer es kaa sendaa, yaam o diidlandaam, um saɗar kate of.

A cangatin ale 28:58

Nu ngayangee ndax nu ndeef fa lay feeke fop no kebil ke mbindeena no safe lene, mbañ o saɗar gon maak saɗarnooxu le no Yaal oxe Roog nuun,

Nahum 1:4

Kaa ŋalaa o maag ole soo a weernin, a ŋiisin xa quluɓ axe fop, Basan fa Karmel a mbeenjeenj, soo piɗ ke Libaŋ a leeƥ.

Yeremi 10:7

Ndi an saɗarkeerong, wo o maad oxe no qeet ke? Wo o mat jare o saɗar, yaam a ndeer no yaal-o-and we fop no qeet ke fo no maat den fop o leng nandee fa wo.

Mark 4:39

Yeesu a inooxa, a ŋal nqeñ ne, too a lay o maag ole yee: «Naagi tek, too riim!» Nqeñ naa a riima, too fop a naag’ata yereŋ.

Mbeeñil 15:4

O Yaal oxe, an saɗarkeerong boog? Ndi an na fañkang o ɓoxot o ndam? Wo soom tedu. Qeet ke fop xan a mbaɗooxiidong, yaam a pi a cofu ke wo a mbeeñle a qool qac.»

Amos 9:6

Kaa sip ngenand um na asamaan, a fi kuul ne ta yooroox lanq ke, soo ta xoy poofi ke no maag ole, a picit a den took lanq ke. Ten o mat ne’e o Yaal oxe.

A kim a tedu ke 99:1

O Yaal oxe refu o maad, fat qeet ke a send. Pindel yeeyetax ndeegooxu uum-maamaad le ten, fat lanq ke a ngiiƈ-ngiiƈin.

A kim a tedu ke 33:7

A fokata poofi ke no maag ole nen foofi kam mboxos, juwaam fee, ta soɗin no pand.

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Esayi 50:2

Ye garuuma, xar taxu soƥiim meen o leng? Ye xoyuuma, xar taxu jaaɓaandeem? Ndax o ɓay es a raƥa raƥ boo waagee o mucil? Ndax kaa jegiim doole faa wattuuma? Aca i ndet boog! Kaam weernitaa o maag ole fa lay es, supit xa quluɓ axe a koƥ-a-ƥor boo liƥ ke a nqonaa fo a koɗom yaam ne foofi a ñakna soo a mbotaa.

YEGIL MBAAX NE YEESU ne Lik a bindtuuna 12:5

Xam lay a nuun oxe jarna o fitel. Mbityo a Roog fee waagna o war, soo a jeg sañ-sañ faa ta ɓekitna kam fiɗel laa ñufkeerna. Iyo, mexe layan a nuun, oxeene o mat refu oxe nu mbarna o mbit.

Dañel 6:26

Maaga, o maad Daryus a binda wiin we no qeet ke fop fo na saax ake fop fo no lak ke fop, ngenna na adna fee yee: «Yaasam Roog a ci a nuun jam!

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

Mberaand 1:9

Roog a laya yee: «Fat poofi ke ndefna ɗuga asamaan fee a mbokatoor o mbiñ o leng soo beeru ke a feeñ.» Kaaga a jegta naaga.

Ke bindeena no xe ne’eena YOB 38:8

An naagu poofi ke na juwaam fee rap fo begax, ye ta sutoortiidna no qooƭ ke a siliidaa?

A kim a tedu ke 46:3

Ten taxu i saɗaree dara, lanq ke a yo’nooxangaa sax oo, xa coong axe a ngirdoox no qooƭ ke no maag ole,

Esayi 64:2

yaa fi’oona com’andtu kaa i mboog’eerna. Koo fudooxiidi, ndax xa coong axe a ngirdoox mbaambir of!

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Amos 4:12

Wo Isra’el, keene mat taxu um doonkang leng kut ke. Neene deŋ o ɓay es a doonoorkaa took of. Yaaga boog, wo Isra’el, jagandooxi xetiid fa mi fee Roog of,

1 Maad we 13:28

A reta soo a ga o dal ole luuñoogna na ƭat ale, a ga itam o faam ole fo njogoy ne ndeeƭna paam o dal ole. Njogoy ne koy, ñaam’ee o dal ole too song’ee o faam ole.

Ke bindeena no xe ne’eena YOB 37:24

Ten taxu wiin we a mbaraan o saɗar. A kid um ngaanee no we na mbi’ooxaa yaal o and.

Yeremi 31:35

Keeke o Yaal oxe a layu, ten oxe na ci’taa njeeƈ ne, ndax ta xoolandaa ñaal ne, a heblaa o nqool onqe fo xa qoor axe, ndax da nqoolandaa o yeng ole, a jumbandaa o maag ole boo a yag-ee-yag ake a ndititaa, ten oxe gon um a refna o Yaal oxe Hupna fop:

Yoona 1:16

Ye da nga’na kaaga, a saɗar’ata o Yaal oxe lool, a ƥoxotaan sadax, soo a ndegoor fo ten.