Yeremi 5:21 - NQAARIIT NE ROOG

²¹ Nan-gilooxyo kene, nuun xeet fa ƥodaxu too a ñak-yiif. Nu njega a kid, ndaa nu mbaagee a ka, njeg nof, ndaa nu mbaagee o nan.

Yeremi 5:21 Referans Kwoze

Heseki’el 12:2

«Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

A pi ake 28:26

Kaa lay’u yee: ‹Reti o lay xeet feene yee: Nu mbug oo nanit nof nuun, ndaa nu andkee tus, ƭeetit a kid nuun, ndaa nu nga’kee dara.

O leetar ole Pool a bindna GIMU WE NGENNA ROM 11:8

A Pind a Tedu ke a lay’a kaa jofna teen ee: «Kaa Roog a dirin a yiif den, a fuulin a kid den boo nga’ee, a sux nof den boo nanee. Keene koy, kaa maadaa boo no ñaal ne xaye.»

YEGIL MBAAX NE YEESU ne Saŋ a bindtuuna 12:40

«Kaa Roog a fuuland a den, a ŋajnoor a den, yaam ndik da nga’it a kid den, a andit a qeeñ den, soo da saktooxiid me mi, um wodand a den.»

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Mark 8:18

Nu njega a kid, xar taxu koy nu naangee o nga’aa? Nu njega nof, xar taxu nu naangee o nanaa? Ndax nu mbetandooxee?

Yeremi 8:7

A caroox ale na yetaa na asamaan sax a anda a mbane ta molaa, a qoɗoxoñ ale, o helaar-roog ole fo a keel ale a and waxtu fee da mbarna o ngat, ndaa xeet es o mat andee bargal ke no Yaal oxe.»

Yeremi 5:4

Maaga, layaam ee: «Wiin heesu soom a ndefu, a mbi’aa ƥooɓodaxir, yaam andee a ƭat ale no Yaal oxe, ke Roog den a simitna.

Esayi 44:18

Wiin nandu neene, dara refee na qoox den, andee dara. A kid den kaa muurel boo mbaagee a ka, soo da ndaƥ a yiif boo mbaagee o ndam tig.

A kim a tedu ke 94:8

Mbootooxyo boog, nuun wiin ɓodaxu we! Nuun panxoy ke, ndi a mban nu andkaa tig?

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Xa peƭit axe 17:16

Xar xaaliis no ɓay fanxoy a ɗaxu? Ndax a jega yiif laa ta jiktituuna o jeg-yiif?

A cangatin ale 32:6

Xeet fa ƥodaxu too a ñak o and, ndax keene nu ndabidkaa o Yaal oxe? Ndax kaa refee faap nuun fo o saasak nuun? Ndax kaa fi’ee a nuun, a mool a nuun?

A cangatin ale 29:4

Ɗoxaam a nuun boo xa kiid qarɓeen nahik kam a koƥ-a-ƥor ale, too ñirax ke nu ndokooxna siɗooxee, xa ñaaƭ axe na caf nuun ñaamooxee.

Hoose 7:11

Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

Yeremi 10:8

Den fop kaa tapoor a mbanxoy soo a yoqit, a cangin ale den refee tus. Roog ke den a teex rek a ndefu!

Mark 4:12

Neene, a naangangaa o ƭeetaa, nga’kee, too a naangangaa o nanaa itam, andkee, yaam ndik da saktoox na Roog, soo a mbaasanel pakaad den.»

O leetar ole Pool a bindna GIMU WE NGENNA ROM 1:20

Naa adna a sake, ke waagaandeena o ga na Roog, refna katil mbaafkeer ne ten fo ke ta refna, a mbeeña no ke ta sakna. Meene o mat, wiin we a mbaagu o andit a den. Ten taxu boog, mbaagkaand o mbaasan,

Esayi 43:8

Sutiidi xeet feene mbuulna, ke da njegna a kid fop oo, a ndam, ke da njegna nof fop oo.

Yeremi 5:20

O Yaal oxe kaa tee: «Yeginyo mbind Yakoob kene, lambin kam Yudaa, lay ee:

Yeremi 6:10

An um layitkaa? Ndi an um raagooxkaa, ndax um nan-gilooxel? Nof ke den kaa sux, mbaagee o nan-giloox muk. Fa lay fee no Yaal oxe kaa ref na den calat, mbugiran.

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

A cangatin ale 29:3

Kaa koy, boo fa ndiik o Yaal oxe ci’afulee a nuun yiif laa nu anditna mbaat a kid akaa nu nga’itna mbaat nof kaa nu nanitna.

Yeremi 7:13

Ndiiki koy, mi o Yaal oxe, mexe layaa a nuun ee nu mbi’a a pi akeene fop. Roog fuu feedna um lay fa nuun, too nu nan-gilooxee, um xoy a nuun boo naag cat, too nu njaaɓee.