Yeremi 5:18 - NQAARIIT NE ROOG

¹⁸ Kaa koy, na pe akaaga sax, saŋikkiim a nuun fop. Mi o Yaal oxe layun.

Yeremi 5:18 Referans Kwoze

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

Yeremi 4:27

Keeke o Yaal oxe a layu: «Saax le fop xan a raad, ndaa koy gefkinum tuƈ.

Heseki’el 11:13

Maaga, ye um jo’taa keene, Pelatiya fee o ƥiy Benaya a xona. Yenaam, gung a lanq soo falaloox ee: «Ey, o Yaal oxe na refkaa boo faw, ndax kaa o bug o saŋik yoqatin we Isra’el?»

Heseki’el 9:8

Ye da nqawaa, too um yoq’u koƭong, yenaam, gung a lanq, soo falaloox ee: «Ey, o Yaal oxe na refkaa boo faw, ndax xan o saŋik yoqatin we Isra’el, yaa o ɓaxaa fuux of took Yeerusaleem?»

Yeremi 5:17

Xan a ñaam saxade le nuun fo ñaamel nuun, a saŋik xa ƥiy xa koor axe nuun fo xa ƥiy xa tew axe nuun, a salax xa siir nuun fo a ked nuun, a mbiitin a ƭing taxar biiñ ake nuun fo tun ke nuun. Xan laƥ den a ndaadin teeru cegu saŋe ke nuun, nu ngoolooxna.

Yeremi 5:19

Yaa o laamitkeel ee: ‹Ndi xar taxu o Yaal oxe Roog in a doon a in kene fop?› wo Yeremi, fat o doon a den ee: ‹Ne nu mbaastaxama soo mbaɗooxaa roog can kam saax nuun, neene nu ndagooritkaa genar no saax laa refeerna le nuun.› »

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Heseki’el 20:17

Kaa koy, ye ga’uuma a den, yirmaam a den lool no saŋik a den, too moocandiim a den kam a koƥ-a-ƥor ale.»

Habakuk 1:12

O Yaal oxe Roog es, o Tedu xe mi, ndax refiro, yaa leng a andeerna, wo fee xonkeerna! Cey, o Yaal oxe, dalnaa Kaakalde we, ndax da mbadin kate of took in! Wo fee refna ɓil saƭku le, sutiidaa a den, ndax da nqaw a in.