Yeremi 5:17 - NQAARIIT NE ROOG

¹⁷ Xan a ñaam saxade le nuun fo ñaamel nuun, a saŋik xa ƥiy xa koor axe nuun fo xa ƥiy xa tew axe nuun, a salax xa siir nuun fo a ked nuun, a mbiitin a ƭing taxar biiñ ake nuun fo tun ke nuun. Xan laƥ den a ndaadin teeru cegu saŋe ke nuun, nu ngoolooxna.

Yeremi 5:17 Referans Kwoze

A cangatin ale 28:33

Xeet faa nu andeerna xan a ñaam ke lanq ke nuun a mbatna fo jale le nuun fop, soo nu ngen no toroxandeel, ñaatlandeel.

A paɗax ale 26:16

Mi o mat oo, keeke refu ke um fi’kaa a nuun: Xam fudin took nuun taamaala: A cir akaa na ŋeesaa a nuun fo a sumaan alaa na niifaarinkaa a kid nuun soo a ɓuus xa laaw nuun. Xan nu nduuf ax nuun no kasaara, yaam fañ we nuun na muudnoorkan.

Sofoni 3:6

O Yaal oxe kaa tee: «Moocandaam qeet, taax-took den a yaqel. Wootnaam ped ke den, boo njegatee oxaa reefna a den. Teeru ke den kaa ndaadnel, njegatee o kiin o leng, ngenataand.

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Heseki’el 36:4

ten taxu, nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke layum, mi o Yaal oxe na refkaa boo faw xa coong axe fo a ñaang ake, a ƈufnand ake fo a yulanq ake, juum kefatin ke mbootatna fo teeru ke mbaaseena, too qeet ke mbidna a den a mbalit a den qac boo da ndefat calat den:

A ƭomatax ake 2:2

O Yaal oxe a yaqa kenand ke Yakoob fop too yirmiran. Kam fuux ɗomu le ten a jiƭta saŋe ke no saax le Yudaa, o ndoog onqe, a bereng a den a lanq, a maasand maat ne fo kelfa ke ten.

Yeremi 50:17

Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

Yeremi 8:16

Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.

Yeremi 4:26

Ɗeetaam too ga’aam ee a ƭing a refata a koƥ-a-ƥor, soo teeru ke fop a ngef tuƈ. Keene fop o Yaal oxe fi’tun fuux ɗomu le ten.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

Esayi 65:22

Maxkatee ndax o lakas a genin, too njimbkatee ndax o lakas a muudoorin. Xeet es xan a nquuɗ nen taxar ke, we jiluuma xan a muudoor jale den.

Esayi 62:9

We na saxadkaa ngaaf ne na ñaamkan, a simataxam, mi o Yaal oxe, too we na nirkaa biiñ fee xan a yerin no maax ole no Mbind tedu ne mi.»

Esayi 62:8

O Yaal oxe a daaɓoorta a ñamaak um fa sañ-sañ um fop ee: «Xaƴkatiim muk fañ we wo a ñaam ngaaf of ne xooxoona mbaat wiin inooru na saax a can a yer biiñ fa nqas fee ɓaxoona doole of.

Yeremi 5:18

Kaa koy, na pe akaaga sax, saŋikkiim a nuun fop. Mi o Yaal oxe layun.

Yeremi 8:13

O Yaal oxe kaa tee: «Xam ɓoor a den, too ndaxar biiñ ne saqkatee o rim o leng, ndun ne jegkatee o run o leng, a naf ake xan a leeƥ. Xam coox a den waa na ñafaƭooxkaa a den.»

Yeremi 25:37

Xa suufnand jam axe a mbootata yaam fuux ɗomu le no Yaal oxe.

A ƭomatax ake 2:12

Kaa layaa ya ke den ee: «Mam ñaamel fo yerel a njegu?» Kaa yenaa no ped ke na teeru fee nen waa ngaañeena, a ƥuttaa na xa ƥay ya den.

Hoose 2:12

Ndiiki koy, xam wolin ƭuc na kid na xa pes um, too o leng yaqankiraam o fi’in.

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»

Yowel 2:3

Fiɗel laa na raaɓaa adooxanun, soo aal laa na sooynaa a fodin a cinj. Saax le kaa ref mbaambir um nen a ƭing ale Edeen, soo a suurangaa, ta ref nen a koƥ-a-ƥor alaa naagna halit, too dara daɗee a den.