Yeremi 5:15 - NQAARIIT NE ROOG

¹⁵ Nuun xeet fee Isra’el, xam ɓisiid took nuun xeet faa inoortiidna koƭu. Xeet faa waagaandeena tig oo, a reeƭu yaa fa yaaga, too nu nanee lak den, nu andee ke da layaa. Mi o Yaal oxe layun.

Yeremi 5:15 Referans Kwoze

A cangatin ale 28:49

Xan o Yaal oxe a inantiid a nuun koƭu no cat adna xeet faa na dalitkaa took nuun nen a canjiik. Xeet feene xan a ndef xeet faa nu nankeerna lak den,

Yeremi 4:16

Mbetandyo kene qeet ke, andnoorin a Yeerusaleem: Soosong owe inoortiidaa no saax goƭu, a njibnaa xa buuq xire took teeru ke Yudaa.

Esayi 33:19

Doonkatiro a ngid xeet feene na ƴaxooxaa, a layaa lak fa njan faa waagaandeena o and, a layaa fa lay ndiiƭ faa o leng a waageerna o dam.

Esayi 28:11

A woora yee fo o don no we na ndo’aa fo na fa lak fa njan o Yaal oxe a bugko laytataa fa xeet fene.

Esayi 5:26

O Yaal oxe xan a sipan qeet koƭu ke o anddiloor, a wuuƴ a den, ndax da ngar, a inoortiid no cat ke no lanq ke. Den oo weene a siipiidaa, ndax da ñof o mbadiid.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

1 Korint 14:21

yaam a binde yee: «Wiin lak fa njan fo xa ton na xa kataakoon um layitkaa fa xeet fene, ndaa taxkee da nan-gilooxaam.»

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

Yeremi 6:22

Keeke o Yaal oxe a layu: «Xeet fey a inoortiidaa no saax laa no ɓemb-roog o janoon, saax maak a ɗistiidaa no cat adna.

Yeremi 5:11

Yaam mbind Isra’el fo mbind Yudaa a ngodaxam tigi.» O Yaal oxe layun.

Yeremi 2:26

Ne o kuuɗ oxaa beteena a sedtaa, neene we na xeet fee Isra’el a seditkaa, den fo maad den, kelfa den, saasadax den fo duleer den.

Esayi 29:6

o Yaal oxe Hupna fop xan a muclitong ƭuuɗ fo yo’nax lanq fo fangax maak fo nqeñ fo a und a maak fo aal fiɗel laa na raaɓaa.

Esayi 29:3

Xam sip saŋe me widoonga fop, wegong kam pegoor soo yoɗanong a ƈoong.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

Dañel 7:7

Ga’ahinaam no mbeeñil ne mi kam o yeng ole ɓaanoor fa nahkandeer fa mbitnooxu, a saɗarnoox too a saq doole fa njegee sen. A ñiiñ njelem a maak a saq’u, a ñaamaa, a listaa ke ta damna soo a dakaa yoqatin ke. Kaa jektir’u fo ƥaanoor eetaand ke fop soo a jeg xa can xarɓaxay.

Mberaand 11:7

Fat i ndet njaxas lak fee den boo leng we nanirkatee fo lakas we.»

A cangatin ale 28:33

Xeet faa nu andeerna xan a ñaam ke lanq ke nuun a mbatna fo jale le nuun fop, soo nu ngen no toroxandeel, ñaatlandeel.

A kim a tedu ke 81:5

yaam wargal oo na xeet fee Isra’el, Roog fee Yakoob heblitun.

Esayi 39:3

Cinj kaaga, o tuleer Esayi a soƥiida o maad Hiskiya, a laamtin ee: «Xar refu o jaf no goor weene, too sax mam a inooru?» Hiskiya a doonaan ee: «Taa Babilon a inooru, a ƭeetiidaam.»

Dañel 1:4

Mbes keene koy, sik fa leng war’ee ref no cer den, da mos, a njeg yiif, a ƈiƴ, a mbel a qoox, a mbaag o njal no mbind no maad ne, soo da njangnikel lak fee fo a pindooƭ ale no Kaakalde we.

Amos 6:14

Ten taxu, keeke layum, mi o Yaal oxe Roog fee Hupna fop: ‹Xam in xeet ta songiid a nuun, nuun mbind Isra’el, too xan a toroxand a nuun, a xotit no ndokand naa Hamat farna fo ɓemb-roog o janoon, boo na xur faa na koƥ-a-ƥor alaa Araba farna fo ɓemb-roog o ñamaak.› »

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.