Yeremi 5:10 - NQAARIIT NE ROOG

¹⁰ Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

Yeremi 5:10 Referans Kwoze

Yeremi 4:27

Keeke o Yaal oxe a layu: «Saax le fop xan a raad, ndaa koy gefkinum tuƈ.

Mace 22:7

O maad oxaa a fuuxa, too a lula dag um ndax da mbarik wiin faaxeer waaga, soo a ndox teeru faa den.

Hoose 1:9

O Yaal oxe a laya a Hoose yee: «Ne’een ‹Loo-Ami›, yaam nu ndefee xeet es, too mi yoo refiim Roog nuun.»

Yeremi 39:8

Kaakalde we a ndaaɓa mbind no maad ne fo pind mosu ke na xeet fee soo a maaf saŋe ke Yeerusaleem.

Amos 9:8

Mi o Yaal oxe na refkaa boo faw fuuliim, a kid es kaa ndoonoox took saax leene na fi’aa cageer, ten taxu xam moocandin na adna, ndaa koy moocandkiim tak mbind Yakoob. Mi o Yaal oxe layun.

Heseki’el 14:17

Mbaat toox um ɓisiid’angaa xire took saax leene soo hebil’u laƥ ne ta wid saax le, um suud’angaa teen wiin we fo cegel ke,

Heseki’el 12:16

Xam fi boo a ndeer den wiin jaakeer a ndaɗ xire fee, biim le fa piste fee, ndax da mbetandoox a ndeer qeet ke da ndetkaa cednooxu ke da mbi’’ina. Neene, xan weene a and ee mi refu o Yaal oxe.»

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 5:18

Kaa koy, na pe akaaga sax, saŋikkiim a nuun fop. Mi o Yaal oxe layun.

2 Caloori ke 36:17

Maaga, o Yaal oxe a inaniida a den o maad oxe no Kaakalde we, ta gar a warit mbes ke laƥ kam mbind tedu ne. O Yaal oxe yirim’ee o fes mbaat o toog mbaat o maak mbaat oxaa fuumna, ndaa a ɓoxota fop na xa ƥay um.

Yeremi 5:9

Ndax xawkiim wiin weene soo rabdinoox took xeet fa nandu neene? Mi o Yaal oxe layun.

Yeremi 5:11

Yaam mbind Isra’el fo mbind Yudaa a ngodaxam tigi.» O Yaal oxe layun.

2 Caloori ke 12:4

A jaɓa teeru cegu saŋe ke Yudaa soo a suuriid boo Yeerusaleem.

Yeremi 2:21

Yaag oo toox de kaam jimb’ong nen ndaxar biiñ safu, naa o ax ole a faaxna. Nam suptooro ndaxar biiñ malu, naa hatna a ngenareem?