Yeremi 5:1 - NQAARIIT NE ROOG

¹ O Yaal oxe kaa tee: «Mbidyo ped ke Yeerusaleem, ƭeet a paax, ngoroox, mbaaƭ no paayo ke ten. Nu nga’angaa teen o leng kut oxaa na fi’aa cofu, a jeemaa o gore, xam waasan a Yeerusaleem.»

Yeremi 5:1 Referans Kwoze

Heseki’el 22:30

Waaƭaam a ndeer den o koor oxaa maxanna a den saŋe, a geenoox mbaambir es no gur ole, a farit saax le, ndax gefkinum, ndaa koy ga’iim.

2 Caloori ke 16:9

O Yaal oxe kaa horooxaa we no lanq ke fop ndax ta saƭkand we a qeeñ den a ndamooxna no ten. Me ta refna koy, kaa o xalaatit nen o ƭof too meene o reefkaa xire’ataa.»

Esayi 59:4

Jegee oxaa na xeloorteel o cofel, o leng naagee o layoorteel a ƭat. Na xa koɓong a ndamlooxaa soo a layaa xa andand, paaxeer a mbudaa soo a ñootaa njofaƭar.

A kim a tedu ke 14:3

Fop kaa ƭap a ƭat ale soo a mbokatoor, a laawoox. Jegee oxaa na fi’aa paax, jegee o leng sax.

Xa peƭit axe 20:6

Jaaku kaa yegnitaa o waag den, ndaa oxe woorna a ɗome o and.

A kim a tedu ke 12:1

O yaal a ƭat ale no jeejeek we a xoolne yee a kim alene kaa yoonandteel o nqilimb xa quusi ɓetaa tadaq. A kim a tedu laa fogna na ke Dawid oo.

2 Tesalonik 2:10

Kuu naanaxir ke no cofaƭaru xe a mbaagna mbaag o ndef fop oo, we mo’na ndefu we yapatilna o mbex ndigil ne mucilkoogna a den.

YEGIL MBAAX NE YEESU ne Lik a bindtuuna 14:21

O tag oxaa a nomtooxa, too a lay o yaal mbind um ke wiin we a njangtooxna. O yaal mbind naa a fuuxa, too a laya o tag um ee: ‹Reti no paayo ke fo no ped ke kam saate fee, too ɓisiid rool we fo xaru we fo ɓoof we fo fuul we.›

Sakari 2:4

Laamtaam ee: «Xar a mbaaƭiidu?» Maaga, a doonaxam ee: «Feek xa can axe kaa pasar a Yudaa boo o leng yoɗatee xoox, faal tafax weeke koy kaa ngar, ndax da ndiidland a den soo a ngaak xa can axe na saax ake njaƭtanna saax le Yudaa boo a pasar we ngenna teen.»

Amos 8:12

A koom da mbidaa lanq ke, a njoqooyooxaa a ndetaa no kaa xotitna no ɓemb-roog o janoon boo no batand, ndeer o maag fo o gend um, a mbaaƭaa maa da nanitna fa Lay fee no Yaal oxe ndaa njegkiran.

Yowel 2:9

Kaa songaa teeru fee, a mboolaa saŋe ke, a ndokaa kam pind ke, a ñoomaa na xa palangteer axe nen guuɗ.

Dañel 12:4

Wo Dañel, ɗasni yegnit neene, too wegit safe lene o ñaasir boo yaa jamaane fee no muukandoong ne a fadiidna. A koom, xan wiin mayu a njangin, too xan o and den a ɓaatoox.»

A kim ale na kim ake 3:2

Maaga, layaam taa kam es ee: «Xam inoox soo wid teeru fee bo ta xet, no ped ke fo no paayo ke, waaƭaa oxe buguuma no xeeñ es.» Waaƭaanum, ndaa ga’inum sen.

Xa peƭit axe 23:23

Jiki ndigil ne, too ba o jikooxin, ten fo o jeg-yiif fo a cangin fo o ƴiƴ.

Xa peƭit axe 8:3

Kaa jibnaa o ñuxur um paam xa ton-maax axe, no tokand ke na teeru fee yee:

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

Yeremi 2:29

Xar taxu nu nqasraa fa mi? Nuun fop, nu siiknoora fa mi. Mi o Yaal oxe layun.

Yeremi 44:15

Goor we fop and’ina yee rew we den kaa ndoxanoogu roog can cuuraay, rew mayu we mbokatoor’ina maaga fop fo we na xeet fee fop ndal’ina Patros, no ɓemb-roog o ñamaak ole no saax le Misira, a ndoona a Yeremi yee:

A kim a tedu ke 14:2

O Yaal oxe kaa fod took-ee-took asamaan, a horooxaa wiin we boo a ga, ndax a jega na den o cegu yiif, ndax a jega oxaa na waaƭaa a Roog.

A kim a tedu ke 94:16

Ndi an na faritkaxam no soxodu we, a layooranaam fo fiifi paaxeer we?

Yeremi 8:6

Nan-gilooxaam a den a paax, ke da layaa refee ndigil. O leng ricooxee kañaan um ee: ‹Ndi xar fi’um?› Fop kaa ngodatin o joor, nen pis naa na rututaa na xire.

Yeremi 9:2

O Yaal oxe kaa tee: «Ɗelem den kaa nand nen a qali ŋaayne, ndax da maaɓ doŋ. Ndigil taxee da maadooxaa no saax le, yaam kaa mbi’aa paaxeer took paaxeer too nqalamiraam o and.

Yeremi 9:7

Ɗelem den a kas a baawar oo, naanaxir ƥor a layaa. Kaa salanaa o kend den jam, too yaaga fop oo mbog a ƭaapanun no xeeñ den.

Heseki’el 9:9

A doonaxam ee: «Tooñ ne no mbind Isra’el fa Yudaa kaa magin lool. Saax le oxe muut fo boom, teeru fee a naag gañ fo njofaƭar, yaam kaa da layaa yee: ‹O Yaal oxe kaa waas saax le pelek, ga’ee dara.›