Yeremi 49:8 - NQAARIIT NE ROOG

⁸ Nuun we ngenna Dedaan, ƈufyo, nquruloox, laqoox kam ee kam luf ke! Yaam mexe ɓisiidaa o njakad took xa taan axe Esawu, waxtu fee da ngadooxkaa a pi den a fada.

Yeremi 49:8 Referans Kwoze

Yeremi 25:23

– we ngenna Dedaan, Teema, Buus fo we na nduusaa took fee na xa ƭek axe den,

Yeremi 46:21

Xiixire saadlaand we ta waaƭanna a xoox um kaa nand nen xa qeel axaa ngudeena. Kaa koy, den itam a nqurulooxa, a ƈuf den fop. Mbaagee o nqox, yaam ñaal ne na saŋik ale a fada na den, waxtu fee da nqaweena.

Yeremi 49:30

Nuun we ngenna Hasoor, ƈufyo, ngod o joor, laqoox kam ee kam luf ke! Mi o Yaal oxe layun. Nebukadnesaar fee o maad oxe Babilon a yuuɓana a nuun, a ɗaapan a nuun.

Esayi 21:13

Ke layeena na Arabi: Nuun wiin we Dedaan na mbe’aa kam xa coc axe Arabi,

Mbeeñil 6:15

Maaga, maad we na adna fee fo maak we fo kelfa ke no xiixire we fo yaal kalal ke fo we njegna sañ-sañ, wiin lakas we fop, faɗ we fo we njegna a qoox den, den fop a naanga suq kam luf ke fo a ndeer a ƥil ake na xa coong axe.

Yeremi 50:27

Mbaryo wiin maak we ten fop, ƥis a den no warand olaa! Sabab took den, yaam bes den a fadiida, waxtu fee da ngadooxkaa a pi den.

Yeremi 49:32

Keeleemb den xan a ngindrel, xa siir xa mayaan axe den a lasrel. Xam feesit a den qeñ ke fop, den we na nduusaa took fee na xa ƭek axe den. Xam ɓisiid taamaala took den, ta inoor o saax oo saax. Mi o Yaal oxe layun.

Yeremi 48:44

Oxe na ƴufaa diid le xan a yen no gamb le, too oxe na sutooraa no gamb le xan a damtel mbaal ne, yaam o hiid ole um xawkaa a Mowaab oxey a garaa. Mi o Yaal oxe layun.

Yeremi 48:28

Nuun we ngenna Mowaab, sutooxyo teeru ke, ndalik no luf ke na ƥil ake! Laalyo a nuukuur ake na ndaangaa na xa ƥeqees axe no waaƥ ole!

Yeremi 48:6

‹Ƈufyo, mucil o ñis nuun, nand fo o faam-a-koƥ kam a koƥ-a-ƥor!›

Yeremi 6:1

O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.

Esayi 2:21

a ndokik na semb ake na ƥil ake fo na baaƥ ake na xa coong axe, ndax da ƈuf katil saɗarnooxu ne no Yaal oxe, soo a laqoox mbaambir o magnel ole no ndam onqe ten, yaa ta inooxkaa, ndax ta yo’in adna fee.

1 Sami’el 13:6

Ye goor we Isra’el a nga’na yee a sisa, kaa ƭasoogu no luf ke, na xa baaƥ axe, na xa coong axe, na semb ake fo no kas cegee foofi ke.

Haahate we 6:2

Maamajan we a toroxandooga a Isra’el toroxand ƭomu. Ii-isra’el we kaa ƭasoogu na xa baaƥ axe na xa coong axe fo no luf ke fo na ƥil a saƭku koŋ ake, ndax da ndaɗ Maamajan we.

Esayi 34:5

Laƥ ne mi kaa xeƴit na asamaan soo a fudooxaniidaa a Edoom, xeet fee kesanuuma a saŋkax ale, ndax um hate’in.

Heseki’el 25:13

ten taxu keeke layum, mi o Yaal oxe na refkaa boo faw: Xan o ɓay es a dal took Edoom, um suud teen wiin we fo cegel ke. Xam gefin no ke xotitna Temaan boo Dedaan soo laƥ a ñaam a den.

Malaki 1:3

soo fañ a Esawu. Kaam fiitin xa coong axe Esawu, ɓoxot lanq ke ta lam’ina xa ƥox-a-koƥ axe.»

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»