Yeremi 49:4 - NQAARIIT NE ROOG

⁴ Wo Raba, o ndoog o nanaƭaru nqe, xar taxu o xaaƴooraa a yulanq ake wo, ke da neqna fop oo. Kaa o hooloox kalal ke wo, damtin ee: ‹An saɗaxam o songiid?› »

Yeremi 49:4 Referans Kwoze

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

Yeremi 9:23

Kaa koy, fat oxe bugna o fakoox, a fakoorit kene: O jeg-yiif fo o andaam, yaam mi refu o Yaal oxe na fesoortaa o paaxel, a ƭat fo o cofel took lanq ke. Keene soom felaxam.» O Yaal oxe layun.

Yeremi 48:7

Wo Mowaab, feek kaa o hooloox a pi of fa halal of, wo itam, xan o naagel nuus. Kemos fee roog of xan a ɓisel gilaa saax took o hup doole, ten fo saasadax um fo gelwaar um.

Yeremi 3:14

O Yaal oxe kaa tee: «Nomtooxiidyo me mi, nuun xa ƥiy xa kore’aƭaru xe, yaam mi refu o Yaal nuun! Xam xot o leng na nuun mene, na teeru nangam, ɗik lakas maana, no ƥasil nangam, soo nomtiid a nuun Siyoŋ.

A kim a tedu ke 62:10

A woora yee xa ƥiy Aadama nqeñ doŋ a ndefu, xa ƥiy no kiin a ndef cegeer. Den fop a meɗnooxange, a moƴ o yelef nqeñ ne.

A kim a tedu ke 52:7

Ten taxu yoo xan Roog a luƈtong boo kili, a naagong nuus, a suqtong no ƭiif of soo a suudong no lanq ke no ñoow we. A maaf

A kim a tedu ke 49:6

Xar na taxkaa um saɗaraa ñaal taamaala, yaa paaxeer ke no we na ƈiƴtaa a mbidaxama?

Mbeeñil 18:7

Ndoonyo took um ƭomu fo toroxand kaa mbodirna fo o ndam onqe fo o neq ole ta jeg’ina. Kaa layooxaa yee: ‹Kaam moof mene nen o maad o tew. Refiim o ñaaw too andkiim ke ñaaw a refna boo muk.›

Hoose 4:16

Feek Isra’el kaa ɓoow boo nen naak faafañ, o Yaal oxe xaƴkiran ta jeg a xoox um nen mbaal kam xa suufand xa yaaju.

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Xa peƭit axe 10:15

O jeg ole no yaal halal oxe refu teeru fa njegu saŋe um, ndool ne no ñaatu xe a ref a saŋkax um.

Yeremi 31:22

Kaa o gapko wirlooxaa boo a mban, o ndoog o nanaƭaru nqe? Yaam o Yaal oxe xe sakaa qas took lanq ke: O tew oxe na waaƭataa o koor oxe.