Yeremi 49:3 - NQAARIIT NE ROOG

³ Wo Hesebon, ɗomatooxi, yaam teeru fee Ay a tase! Nuun mboƥ ndoog ne Raba, mbuuqyo, nderoox xa saaku, iinaa, njoqooyooxaa, lernooxaa tabax ke, yaam Milkom xan a ɓisel gilaa saax took o hup doole, ten fo saasadax um fo gelwaar um.

Yeremi 49:3 Referans Kwoze

Yeremi 48:7

Wo Mowaab, feek kaa o hooloox a pi of fa halal of, wo itam, xan o naagel nuus. Kemos fee roog of xan a ɓisel gilaa saax took o hup doole, ten fo saasadax um fo gelwaar um.

Yeremi 48:37

A qoox ake fop a nduuse, xa taatam axe fop a mboyel, xa ƥay axe fop a ñaasel, soo tet ke fop a ñirel xa saaku.

Esayi 15:2

We ngenna Diibon owe ŋaayaa na ñaang a sadaxand ake, ndax da loolit maaga. Mowaab oxe ɗomatooxaa yaam teeru fee Nebo fa fee Medeba. A qoox ake fop a nduuse, xa taatam axe fop a mboyel.

Yeremi 46:25

O Yaal oxe Roog fee Isra’el Hupna fop kaa tee: «Mexey garaa, ndax um dal took Amon, roog fee Teeb, took Misira, took roog ke fo maad we ten, took Firawon fee fo we ngoolooxuuna fop.

Yeremi 4:8

Ten taxu, nderooxyo xa saaku, ƭomatoox soo iin, yaam fuux ɗomu le no Yaal oxe waasee a in.

2 Maad we 23:13

O maad oxe a maasanda a ñaang a sadaxand ake njasnoor’ina fa Yeerusaleem, a ngarit o joong ole na Yaq fee no ɓemb-roog o ñamaak, too Salomo fee reeƭna o maad Isra’el a maxan’un a Astarte, roog fa njakalaaru fee no Siisidoŋ we fa Kemos, roog fa njakalaaru fee no Moomowaab we fa Milkom, roog fa sednooxu fee no Aa-amon we.

1 Maad we 11:33

Xam fi keene, yaam Ii-isra’el we kaa mbaasaam soo a ngungaa mbaambir Astarte, roog fa ndew fee no Siisidoŋ we fo mbaambir Kemos, roog fee Mowaab fo mbaambir Milkom, roog fee no Aa-amon we. Ñaaƴee na ƭat es, mbi’ee kaa faaxna na kid es too ngayee bargal es fo ke simtuuma, ta guutatir fo ne Dawid fee faap Salomo a fi’tuuna.

1 Maad we 11:5

Salomo a faɗooka a Astarte fee refna roog fa ndew fee no Siisidoŋ we fa Milkom, roog fa sednooxu fee no Aa-amon we.

Saak 5:1

Nuun yaal kalal ke, nan-gilooxyo fa lay es. Nu mbara o lool, too iin, yaam taamaala ke na ndaawkaa a nuun.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

Amos 1:15

o maad den a ɓisel gilaa saax took o hup doole, ten fo a salma-koor ake ndeeruuna.» Keene o mat o Yaal oxe a layu.

Yeremi 51:8

Ndak fo ndak, Babilon a jiƭtooxa, a duguñoox. «Ƭomatooxyo took um, mbaaƭan uut le ten teex ƭuumooxel, xeƈa xan a wod.»

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

Yeremi 48:20

Mowaab a seda ɓot, yaam a maafe. Iinyo soo mbuuq! Yegnityo took o xuluɓ ole Arnon ee: «Mowaab a bayte!»

Yeremi 48:2

Mowaab simatataand, a fexeyanteel taamaala kam Hesebon ee: ‹Acayo i ndet moocandin a ndeer qeet ke.› Wo Madmen itam, xan o naag yereŋ, laƥ ne xey a yelang.

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Esayi 23:6

«Nuun we ngenna paam o maag ole, ndefyo na coytax, ƈaktoox boo Tarsis.

Esayi 23:1

Ke layeena na Tiir: «Nuun a kaal a maak a cula’ir ake na ndetaa Tarsis, ƭomatooxyo, yaam waax nuun a gefe tuƈ.» A yegaan, ye da inoorna no fimb laa Sipere, a ngataa.

Esayi 16:7

Ten taxu Moomowaab we owe ƭomatooxaa a ndeer den, den fop owe ƭomatooxaa yaam xa tim biiñ axe Kiir-Hareset a njoytooxaa yaam kam fa mbagu.

Esayi 14:31

Ndokand ne, ɗomatooxi! Teeru fee, jibni xa buuq! Wo saax le Filista fop, foygooxi yaam fo suun ole na inoortiidaa no ɓemb-roog o janoon, too o leng jaqooxee no qod ole no fañ we.

Esayi 13:6

Ƭomatooxyo, yaam ñaal ne no Yaal oxe a matiida. Oxe garaa, a ref yaq faa hatiidna no Cegu katil oxe.

Yosuwe 8:28

Yosuwe a raaɓa a Ay, a yaqin bo tee pic, too yaq faaga a maadtu boo xaye.

Yosuwe 7:2

Yosuwe a lulta goor Yeriko, ndax da ngorook teeru fee Ay refna no batand naa Betel paam Bet-Awen. Ye weene a ngorooxuuna,

Yosuwe 8:1

O Yaal oxe a laya a Yosuwe yee: «Ba o saɗar dara, too ba o ñak njambaar. Yooni fo xiixire we fop, o songik teeru fee Ay. Ndiiki koy, xam ɓoxot o maad oxe Ay fa xeet um fa teeru um fo o fiisel um fop na xa ƥay of.

2 Sami’el 11:1

Na mbaan faa, na waxtu fee maad we a nqire’aa, o maad Dawid a hebla a Yowab ta adooxan xiixire we ten fo goor Ii-isra’el we fop da ñoxorik fo Aa-amon we. A nduguña a den soo a mbid o kurul-keƥ a Raba refna teeru fa maak fee den. Dawid o mat Yeerusaleem a yoq’u.

Esdaraas 2:28

we Betel fo we Ay: teemeed ƭik fo qarɓeen ƭik fo daduk,