Yeremi 49:2 - NQAARIIT NE ROOG

² Ten taxu o Yaal oxe a lay ee: «Ñaal key a ngaraa, kaa um nannoorkaa o wuuq xire took Raba, teeru fa maak fee no Aa-amon we. Xan a refat juum kefatin, fiɗel a raaɓ teeru ke ta waxooxna. Maaga, Isra’el xan a jaɓatin ke ta jeg’ina. Mi o Yaal oxe layun.

Yeremi 49:2 Referans Kwoze

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

Heseki’el 21:20

Xam doon na xa ton-maax axe den fop laƥ ne na waraa, ndax njambaar den a ɓut, da moƴ o ndiid. Ey, a jagande, ndax ta filin xa meldaan, a lakel, ndax ta saŋik.

A cangatin ale 3:11

Oog fee o maad Basan doŋ yoq’u no Reerefa we. Kees njelem ne ta gastik’eena oxaa Raba no saax le no Aa-amon we boo ndiik, too o cigdel um a fi’a xa noonoong ɓetaa nahaq, soo o yaajel ole a fi xa noonoong xa nahaq no noonoong no kiin.

Amos 1:14

Xam fudin fiɗel took saŋe ke mbidna Raba, ta raaɓ pind no maad ke ten, ndeer xa buuq na bes xire, nen kam a und na bes o ufang,

2 Sami’el 11:1

Na mbaan faa, na waxtu fee maad we a nqire’aa, o maad Dawid a hebla a Yowab ta adooxan xiixire we ten fo goor Ii-isra’el we fop da ñoxorik fo Aa-amon we. A nduguña a den soo a mbid o kurul-keƥ a Raba refna teeru fa maak fee den. Dawid o mat Yeerusaleem a yoq’u.

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

A kim a tedu ke 97:8

Siyoŋ xan a nanin soo a felakinoox, teeru ke Yudaa a ndef no ɗaay yaam kate ke wo, wo o Yaal oxe.

A kim a tedu ke 48:11

Wo Roog, a simat of owe nannooxaa boo no cat adna nen gon of. A ñamaak of kaa may fo o cofel.

A lim ale 21:25

Ii-isra’el we a njaɓa teeru ke no Aa-amori we fop, a ndal Hesebon fo no caate ke mat’uuna.

Abjaas 1:19

Yuuyudaa we no ɓemb-roog o ñamaak xan a njang xa coong axe Esawu, we no saax le na yulanq ake no mudand ne a njang saax le no Fiifilista we. Xan a njang o fiisel ole Efrayim fo ole Samari, Beebensame we mat a njang a Galaad.

A lim ale 10:9

Kam saax nuun, boo nu nqire’kaa fo fañ nuun waa mbugna o ñoxor fa nuun, fat nu njibin a luuƥ akeene, yoonandtin xa buuq. Maaga, xam wetandoox a nuun, mi o Yaal oxe Roog nuun, mucil a nuun no fañ nuun.

A cangatin ale 13:16

fat nu mbarit we ngenna na teeru feene fop laƥ, ngefin tuƈ fo ke refna teen fop, cegel ke sax, nu mbarit a den laƥ.

Yosuwe 17:11

Kam xa piisel axe Isakaar fa Aseer, a carind ale Manaase a daaw’a teen a Bet-Se’aan, Ible’aam, Door fee refna na ƥeeraamb ale no maag ole, En-Door, Tanak, Megido fo caate ke da mbaxooxna.

Yosuwe 17:16

Xa taan axe Yoseef a laya yee: «Ndigil oo, o jegel ole na xa coong axe deyee a in, too Kaakanaan we fop ngenna na xa saawit axe a sareet-xire celem a njegu, ta ref we ngenna Bet-Se’aan fo caate ke ta waxooxna fop boo no we ngenna na xa saawit axe Yisre’el.»

Esayi 17:1

Ke na dalkaa a Damaas: Te paam rek, Damaas limitkataand no teeru ke, yaam xan a refat ƭaaq ƥor.

Esayi 11:14

Xan a mbokatoor, a yaadin Fiifilista we farna fo mudand, a njaɓ kalal ke no we ngenna no batand, a ndoon o ɓay na Edoom fa Mowaab soo a ngame Aa-amon we.

Heseki’el 21:25

na ƭat ale o sexkaa, ndax laƥ ne a fadiid Raba, teeru fee no Aa-amon we, a fadiid itam no Yuuyuda we kam Yeerusaleem, teeru fa njegu saŋe fee.